1 Timote 6:15 - Bible azumeina

¹⁵ Alo ma kal tegles ma tu gid’eng ma mi ndak á hud’a, ma nAmulâ hamuleinina, ma Salad’a hi suliyod’ina, mam mba mi ndum mbei ata yima mi ngama.

1 Timote 6:15 Iomraidhean Croise

Esdras 7:12

An Artazerses, amulâ hamuleinina, an ni he mbaktum mba wanda mi ang Esdras ma ngat buzu ma we mbaktum ma we gata hAlo ma akulona.

Sawal la giled’a 136:3

Agi gilegi Salad’a hi suliyod’ina, kayam o mamba nga d’i dap pi.

Sawal la giled’a 47:2

Agi suma pet, ar agi tchagi abogi ririp, agi lagi furîd’a, agi suburugi Alona ki delegi akulo.

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Zla d’a d’ogolâ 8:15

Ni kayam an ba, amuleina a nga te leud’a, suma nglona a nga ka sariya d’a d’ingêra mi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

1 Timote 1:11

Ni hat ta an fat ni kur Zla d’a Djivi d’a subur ra Alo ma djivina mi handjid’a.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.