1 Timote 5:21 - Bible azumeina

²¹ An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

1 Timote 5:21 Iomraidhean Croise

Sawal la giled’a 107:43

Ar sama ned’a mi kak ki ned’a yam ahle ndazina, ar mi wäd’u sun nda o d’a didin nda Ma didina mi lata mi.

Sawal la giled’a 119:34

Ang han ned’a kayambala an tit yam gat manga, an ngomot ki hurun pet mi d’a.

Zla d’a d’ogolâ 18:5

Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Sunda hi suma hi Levi-nid’a 14:42

a yo ahuniyô suma dingâ, a kalazi balum ahuniyô suma a pad’azi woina, a tub’ok lubu ma dingâ á gulut ki ir gong ndata.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Malatchi 2:9

An mba ni gologi is, an mba ni mbud’ugi d’igi vama ndak kuo na na avok suma pet, kayam agi ngomogi nga lovot manda d’i, agi kagagi ni ir suma go ata yima agi nga vazi ad’u gat mandina.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Wana ni Zla d’a Djivi d’a Luc mi b’irita 20:21

Sum ndazina a djobom ala: Ma hat suma, ami wami ala ang nga de ni zla d’a irata, ang nga hat ni hat ta irata mi. Ang nga pat sana yam iram go d’i, wani ang nga hat ni lovota hAlonid’a gagazi.

Wana ni Zla d’a Djivi d’a Luc mi b’irita 9:26

Kayam nge nge pî ma nga mi le zulona kan ki zla mandina, an Gor Sana mba ni le zulona kam fata an mba ni mbeï kur subur manda ki subura hAbunda ki malaika suma mi tinizi irazi vazina.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Gat ta a hat á mbàd’id’a 1:7

Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na.

Gat ta a hat á mbàd’id’a 33:9

Azi suma a dala azi we nga abuyozi kasuyozi d’uo na, ni sumala a we nga b’oziyozina ki grozina d’uo mi na, kayam suma hi Levi ndazina a ngom zla manga ki vun mang ma djinda mi.

1 Tasaloni’â 5:27

An hagi vuna ki simiyê Saleina ala ar agi ndumugi mbaktum ndata avok b’oziyoina pet.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

2 Timote 2:14

Ang gazi humazi yam zla ndata, ang gad’azi avok Alona ala ar azi tchi tuguyod’a yam zla d’a hawa yaka d’i. Ni zla d’a nga d’i ba suma a humutna woid’a.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.