1 Timote 5:18 - Bible azumeina

¹⁸ Kayam mbaktumba hAlonid’a ti dala: Ar ang nik gad’id’a avun amuhlâ ata yima nga mi miret awuna á tod’ina d’i, a b’ir kua ala: Sama le sunda ndak á fe wurak mamba.

1 Timote 5:18 Iomraidhean Croise

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Matiye 10:10

Agi yogi bud’omeina d’oze barud’a mbà d’oze atuguruna d’oze tutuguyona abogi d’uo mi, kayam sama sunda ndak á fe te mama.

Wana ni Zla d’a Djivi d’a Luc mi b’irita 10:7

Agi kagagi kur azì máma, agi tagi agi tchagi vama azi hagizina, kayam sama le sunda ndak á fe wurak mamba. Ar agi igi kur azina teteng ngi.

Romê-na 10:11

Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi.

Romê-na 11:2

Alona mi noî nga mam suma mi wazi avok deina woi d’i. Kayam agi wagi zla d’a mbaktumba hAlonid’a ti dat yam Elie ata yima mi kal yam Israel-lâ avok Alona ala:

Romê-na 4:3

kayam mbaktumba hAlonid’a ti dala: Abraham mi he gagazid’a yam Alona; ni kayam ndata ba, Alona mi ndumum sama d’ingêrâ ni yam he gagazi mamba.

Romê-na 9:17

Kur mbaktum mamba, Alona mi de mamul ma Ezipte-na ala: An tining amula ná tak ad’eng manda woi atangû, kayam simiyên mi wet tei yam andagad’a pet.

1 Korente-na 9:14

Kayam ndata, Salad’a mi he vuna ala: Suma a nga tchi wal Zla d’a Djivid’ina, a fe te mazina ni kua mi.

Galat-na 3:8

Kayam Alona mi de kur mbaktum mamba avok ala mam mba mi mbut andjaf suma dingâ d’ingêr yam he gagazi mazid’a. Mi de Zla d’a Djivid’a mi Abraham adjeu ala: An mba ni b’e vunan yam andjaf suma pet ni kang angû.

Gat ta a hat á mbàd’id’a 25:4

Moise mi de kua ala: Ar agi nigigi gad’id’a avun amuhlâ ata yima nga mi miret awuna á tod’ina d’i.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?