1 Timote 4:13 - Bible azumeina

¹³ Ang ndum mbaktumba hAlonid’a avok suma pet, ang tchazi wala, ang had’azi gak mba manda.

1 Timote 4:13 Iomraidhean Croise

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Sunda hi suma a sunuzinid’a 6:4

Wani ami vami tami á tchen Alona, á tchi wal zla mamba mi.

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

1 Korente-na 14:3

Wani sama nga mi djok vun Alona, mi de ni mi suma á wuluzi akulo kur he gagazi mazid’a, á hazi ad’enga, á b’lengêzi huruzi mi.

1 Korente-na 14:6

Wani b’oziyona, le an iza hatagi ni dagi zlad’a ki vuna hi suma tetengâ bei ni vagizi ad’um mbei abua ni, djivi mata ni me kagi ge? Le an mbaza ni vagi ad’u vama Alona mi tagandjina woi abu d’uo, le an tagagi nga wed’a d’uo, le an djok vun Alona d’oze an had’agi d’uo mi ni, djivi mata kagi ni me ge?

Gat ta a hat á mbàd’id’a 17:19

Mi gat kä gevem ata yima mam nga ki irama, mi ndumut burâ ki burâ, kayam mi hat á le mandara Ma didina Alo mama, á ngom zlad’a pet ta nga kur gat ndatid’a ki vun ma he ma teteng ma nga kur gat ndatina, á tit kam mi.

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.