1 Timote 2:9 - Bible azumeina

⁹ Hina mi, an min ala aropma a tchu’î baru ma bei kidjik tad’a, a tit ni tit ta kukud’uk, a ge yazi kä, a ge yam mba aboina d’i, a tchuk lora atazi d’i, d’oze yeyêna, d’oze baru ma guzum kal teglesâ d’uo mi,

1 Timote 2:9 Iomraidhean Croise

Ad’u Tinda 24:53

Mi buzugï ahle suma a yorozi ki kawei ma hapma ki lorina woi abu ngola ki baruna, mi hazi mi Rebeka, mi hahle suma guzuzi kal teglesâ mi wiyetna kasut mi.

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Zla d’a d’ogolâ 31:22

Ti nga d’i tchil borogona, ti nga ki baru ma luluî ma hleu ma sisilâ atat mi.

Zla d’a d’ogolâ 31:25

Baru mat ma tchuka nad’enga ki ndak ka memeta, nga d’i le mandar abo vama nga mi mbana d’i.

Zla d’a d’ogolâ 7:10

Gola! Atcha d’a mbut tat d’igi atcha d’a gaulangâ na d’a, ti ngavamu, lemba nga oîd’a kurud’u.

Isai 3:16

Ma didina mi dala: Arop suma Siyon-na yazi ad’enga, a nga hle irazi akulo ki tita herengêleng, a nga lop suma ki irazi d’a gola, kayam azi nga tit tit ta kidjik tad’a, a nga tchi b’alang ma asezina tchutchuî.

Isai 61:4

A mba hulong min yima b’lak kei adjeuna akulo, a mba hulong tchol gongîyo suma to woi adjeu dedeina akulo, a mba min azì ma nglo ma b’lak kei kur atchogoi d’a dedeid’ina akulo mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 4:30

Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

1 Timote 2:10

wani kal pet a le ni sun nda djivid’a d’igi arop suma a nga le mandar Alonina na.