1 Timote 2:7 - Bible azumeina

⁷ Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

1 Timote 2:7 Iomraidhean Croise

Sawal la giled’a 111:7

Sun nda mi lat kabomba ni gagazid’a ki d’ingêra; vun mam ma hed’a pet ni ma sana mi ndak á tin hurum kama,

Ma tchi wala 1:12

An ma tchi wala, an tamula yam Israel-lâ avo Jerusalem.

Ma tchi wala 7:27

An ma tchi wala ni dala: Gola! An hal ad’u ahlena tutu pet á wazi ad’uziya.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

Romê-na 10:14

Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge?

Romê-na 11:13

Ki tchetchemba, an nga ni dagi agi andjaf suma dingâ ala: An ni ma a sunun yam andjaf suma dingîna. Kayam ndata, an le furîd’a á tak sun manda woi abua.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

1 Korente-na 9:1

An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

Galat-na 1:16

Kid’a mi nga hurum á tagan Goroma kayam an tchi wal Zla d’a Djivi mamba mandjuf suma dingâ d’a, ata yi máma, an hal nga wad’ud’a hi sa d’i.

Galat-na 1:20

Ki tchetchemba, vama an nga ni b’irigizi kur mbaktum mba wandina ni zla d’a gagazid’a avok Alona, an nga ni ka zla d’i.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Galat-na 3:9

Kayam ndata, Abraham mi he gagazid’a, Alona mi b’e vunam kam mi. Hina, suma he gagazid’ina pet, Alona nga mi b’e vunam kazi d’igi mi b’e vunam yam Abraham na mi.

2 Timote 1:11

Alona mi tinin á tchi wal Zla d’a Djivi ndata, mi mbud’un ma a sunuma á hat suma mi.

2 Pierre 2:5

Alona mi ar nga duniya d’a adjeud’a hawa d’i, wani mi sut ni Noe ma tchi wal la d’ingêrîna ki suma kid’iziyana hol ata yima mi kus mbina yam suma tcho suma kur duniya ndatina.