Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.
Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.
Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.
B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.
Wani le atchad’a modonod’a nga ki grotna d’oze grot ngolona ni, ang had’azi á le mandar Alona ki simiyêzi avok tua, á hulong wuraka mi simiyêzi kabuyozi ngolo. Wana ni vama djivina avok Alona.
Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.
Le agi nga fagi ndaka yam tcho magid’a ba, agi nga vagi tagi kuru ni, djivi mata ni me ge? Wani le agi nga fagi ndaka yam djivi d’a agi lata agi nga vagi tagi kurut mi ni, ni vama djivina avok Alona.
Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.
