1 Timote 1:15 - Bible azumeina

¹⁵ Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

1 Timote 1:15 Iomraidhean Croise

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Matiye 18:11

An Gor Sana mba ná sut ma vit teina.]

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

Marik 2:17

Kid’a Jesus mi humba, mi dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol. An mba ná yi suma d’ingêrâ d’i, wani ná yi suma tchona.

Wana ni Zla d’a Djivi d’a Luc mi b’irita 15:2

Fariziyêna azi ki suma hat gata a nga gureî ala: Sa máma mi yo suma tchona, mi nga mi te ki sed’eziya.

Wana ni Zla d’a Djivi d’a Luc mi b’irita 19:10

Kayam an Gor Sana ni mba ná hal suma vit teina á sud’uzi mi.

Wana ni Zla d’a Djivi d’a Luc mi b’irita 5:32

An mba ná yi suma d’ingêrâ d’i, wani an mba ná yi suma tchona á mbut huruzi yam tcho mazid’a.

Jean 1:12

Wani suma hiu suma a vat atazi a he gagazid’a katna, sum ndazina ti hazi ad’enga á mbut Alona groma.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 12:47

Le sama hum zla manda, le mi ngomot tuo ni, ni an ba ni kam sariyad’a kam mbi, kayam an mba kur duniyad’a ná ka sariyad’a yam suma yam andagad’ina d’i, wani á sut suma yam andagad’ina.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Sunda hi suma a sunuzinid’a 11:1

Suma a sunuzina ki b’oziyod’a suma a nga kur Jude-na, a hum ala andjaf suma dingâ a ve wa zlad’a hAlonid’a mi.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Romê-na 11:14

An djib’er ala an mba ni zut andjavan akulo á le yungôra á sut suma dingâ adigaziya.

Romê-na 5:6

Ata yima ei nga kad’enga á le va d’uo tua na, Christ mi mit yam suma tchona ata yima Alona mi ngama.

1 Korente-na 15:9

Kayam an ni tobona hi suma a sunuzina pet, an ndak á yan sama a sunuma d’i, kayam an djop vun Toka hAlonid’a heî.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

1 Timote 1:19

Ar ang ngom he gagazid’a ki djib’er ra djivi d’a kurung krovod’a. Kayam suma dingâ a ar wa lovot ndata woyo, a hlup wa he gagazi mazid’a kä d’igi alumba ti hlup kä aduk mbina na.

1 Timote 3:1

Wana ni zla d’a irata: Le sana mi hal sun nda gol Toka ni, mi halî sun nda djivid’a.

1 Timote 4:9

Zla ndata ni zla d’a irata, ti ndak á suma vad’u.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

2 Timote 2:11

Zla ndata ni zla d’a irata: Le ei boi zlapa ki mamu ni, ei mba kagei zlapa ki mam mi.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

1 Jean 5:11

Wana ni glangâs mama ala: Alona mi hei wa ari d’a didinda, ari ndata ti nga kur Goroma.

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 22:6

Bugola, malaikana mi dan ala: Zla ndata ni zla d’a gagazi d’a ndak ang tin hurung kata. Salad’a Alo ma he Muzuk mama mi mam suma djok vunina, mi sunï malaika mama á tak azungeî mama ahle suma a nga mba ka tchetchema.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.