1 Tasaloni’â 4:6 - Bible azumeina

⁶ ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

1 Tasaloni’â 4:6 Iomraidhean Croise

Sawal la giled’a 140:12

Sama ka zlad’a nga mi kak tatâ yam andagad’a d’i, sama murud’umba ndaka nga d’i digim á bam mbeyo.

Sawal la giled’a 94:1

Ma didina, angî Alo ma hlatchugula, angî Alo ma hlatchugula, ar ang tak subur manga woyo.

Buzuk ka Abud’a 20:15

Ar ang kul li.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Zla d’a d’ogolâ 11:1

Kilo ma hle ma ata yam mbuo na ni vama ndjendjed’a ir Ma didina, wani kilo ma hle ma ata yama ni vama djivina iramu.

Zla d’a d’ogolâ 16:11

Ma didina mi min ala kilona ki taza ma a nga ahlena kama a ka’î memet, mi min ala anek ka kur sakid’a ti ka’î ata lovod’ot mi.

Zla d’a d’ogolâ 20:14

Sama gusa nga mi dala: Gus ndata nga ata yat ti, gus ndata nga ata yat ti, mi ge tam wani mi tchuk vunam sanda musmus.

Zla d’a d’ogolâ 20:23

Anek ka nga d’a nga ata yat tuo d’a ni vama ndjendjed’a ir Ma didina, kilo ma hle ma nga ata yam mbuo na, mi nga ni vama djivi d’uo mi.

Zla d’a d’ogolâ 28:24

Sama nga mi kul ahlena habum kasum ma nga mi dala ndata nga ni tchod’a d’uo na, ni sama b’lak ahlena hi sumina ndrama.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Ezekiyel 22:13

Gola! An nga ni tchabon yam mbiyo ma tcho ma ang fuma ki mat ma ang tchum kurungâ.

Sunda hi suma hi Levi-nid’a 19:11

Agi kulugi d’i, agi kagi tagi zlad’a d’i, agi lobogi ir tagi d’uo mi.

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Sunda hi suma hi Levi-nid’a 25:14

Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i.

Sunda hi suma hi Levi-nid’a 25:17

Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Sofoni 3:1

Ni zla d’a hohoud’a yam azì ma ngol ma suma kuruma a ni suma bei hum vuna, a ni suma ndjendje suma murud’umba mi na.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Marik 10:19

Ang we vun ma hed’a mi dala: Ang tchi sa d’i, ang le mizeu d’i, ang kul li, ang le glangâs ma aboina d’i, ang mbut ir sa d’i, ang hu abung kasungû.

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 13:4

Kayam mam mi ma sunda hAlonina á ing kur djivid’a. Wani le ang le tchod’a ni, ang le mandarâ, kayam mam nga kad’enga á gad’ang gagazi. Kayam mam mi ma sunda hAlonina á tak ayîna hAlonina woi á gat sama le tchod’ina.

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Gat ta a hat á mbàd’id’a 24:7

Moise mi de kua ala: Le ma Israel-lâ mi ve wiyema, nga mi lum magomba d’oze mi guzum mbeyo ni, agi tchum mbeyo. Hina wani, agi mba d’elegi tcho d’a led’a woi adigagiya.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

1 Tasaloni’â 2:11

Agi wagi ala ami lami ki nge nge pî adigagi d’igi abud’a nga mi le ki groma na.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Hebre-na 2:6

Wani sama dingâ mi le glangâsâ kur mbaktumba hAlonid’a ala: Sana ni nge ba, ang Alona djib’er kam ge? Gor sana ni nge ba, ang ngomom ge?

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.