1 Tasaloni’â 3:5 - Bible azumeina

⁵ Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

1 Tasaloni’â 3:5 Iomraidhean Croise

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Daniel 6:19

Tcha yorogo d’a yina mi nga ad’um fod’id’a, amulâ mi tchol akulo ki yina kukurumuka, mi i avun zula hazlonid’a atogo zak.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Sunda hi suma a sunuzinid’a 15:36

Bugol burâ tcha, Paul mi de mi Barnabas ala: Ar ei hulongeî d’ui b’oziyoi suma ei tchazi wal zlad’a hi Salad’id’a kur azì ma nglo ma tetengâ á wei na ni azi nga ni nana ge.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 2:11

kayam ar Seitan mi kus kei d’i, kayam ei wei lem mamba.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Galat-na 4:11

An nga ki mandarâ, dam sun nda an lat adigagid’a mba d’i mbut vama hawana kla.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Filip-ma 2:19

Yam zlad’a hi Salad’a Jesus-d’a, an tin hurun ala an sunugi sä Timote ka tchetchem, kayam mi b’lengên hurun yam zla magid’a.

1 Tasaloni’â 2:1

B’oziyomina, agi wagi ala mba mami d’a sä hatagi ni hawa d’i.

1 Tasaloni’â 3:6

Wani ki tchetchemba, Timote mi tcholï hatagi mi mba mi dami yam zla d’a djivid’a hi he gagazi magid’a ki o magid’a mi. Mi dami ala agi nga djib’eregi kami ki furîd’a teteu, agi min á wami d’igi ami tami minimi á wagi na mi.