1 Tasaloni’â 2:9 - Bible azumeina

⁹ B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

1 Tasaloni’â 2:9 Iomraidhean Croise

2 Amuleina 6:2

Ang hami lovota ami imi avun alum ma Jurdê-na, nge nge pî mi kaï aguna, ami mba minimï yima ding ma kaka. Elise mi dazi ala: Agi igiya!

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

Nehemi 5:18

Burâ pet a nga tchämuhl ma d’orâ avo hatanu, tumiyô suma d’orâ karagaya karagaya kaluweina mi. Kur burâ dogo a nga le süm guguzlud’a ngola. Hina pet pî, an ve nga bege d’a ma te yamba mi ngat yam sumid’a d’i, kayam sun ndata aneka yam suma heî.

Sawal la giled’a 32:4

Andjege ki faleya ang nga gad’anu, ad’engên dap pei d’igi afat ta awalid’a ti so mbina woi na. Tchol ndjö

Sawal la giled’a 88:1

Ni sawal la gile d’a Kore groma a hlat ki taulâd’a a hat mi ma ngolâ hi suma hle sawalina. Ni sawal la gile d’a Heman ma Esara-na mi hlata.

Zla d’a d’ogolâ 31:18

Ti wala nga d’i fe djivid’a kur sun mata, nga d’i tchi lalam mata woi andjege d’i.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Sunda hi suma a sunuzinid’a 18:3

Kayam sun mazi d’a led’a ni tu, mi kak ki sed’eziya. A le sunda zlapa, kayam azi ni suma tchil tandana.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

1 Korente-na 4:12

Ami nga kawami ki sunda á fe te mamina. Ata yima azi nga ngulumina, ami nga b’ami vuna kaziya. Ata yima azi nga djobomi vunamina, ami nga vami tamiya.

1 Korente-na 9:15

Wani an le nga na d’i! An nga ni b’irigi ni kayambala an halî va abogiya d’a d’i. Le sana nga mi las vama an nga subur tan kama ni, an mit pî ni hotei.

1 Korente-na 9:18

Wurak manda ni me ge? Wurak manda ni tchi d’a an nga ni tchi wal Zla d’a Djivid’a hawad’a. Ata yima an nga ni tchi wal Zla d’a Djivid’ina, an nga ni hal va abo sa d’i.

1 Korente-na 9:4

An nga kad’enga ná te ná tche yam sun manda mi d’uo zu?

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

2 Korente-na 11:9

kayam b’oziyoi suma a tcholï Maseduwan-na a ndjunun kur kid’ak manda. Kayam ndata, an d’el tan yam ahlena pet, kayam ni tin aneka kagi d’i, an mba ni le hina teteu mi.

2 Korente-na 6:5

A nga tomiya, a nga tchugumi dangeina, a nga siwel kamiya. Ami nga kur sun nda kaud’a, ami nga burumi sen ndi, ami nga fami tena d’uo mi.

Filip-ma 4:16

Kid’a an nga avo Tasalonik-ka pî ni, agi sunun he d’a hawad’a yagi mbà yam kid’ak manda.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

1 Tasaloni’â 2:6

Ami nga halami subura hi suma atagi d’oze magid’a d’oze hi suma ding nguo mi. Ami ni suma a sunumina hi Christ-sâ, ami ndak á vami ahlena abogiya.

1 Tasaloni’â 3:10

Ami nga tchenemi Alona kagi andjege ki falei ki so tad’a á wagi iragi á hagi ahle suma kid’agagi yam he gagazi magid’ina mi.

1 Timote 1:11

Ni hat ta an fat ni kur Zla d’a Djivi d’a subur ra Alo ma djivina mi handjid’a.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.