1 Tasaloni’â 1:5 - Bible azumeina

⁵ Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

1 Tasaloni’â 1:5 Iomraidhean Croise

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Wana ni Zla d’a Djivi d’a Luc mi b’irita 1:1

Teyofil, suma ablaud’a a hal lovota á b’ir yam ahle suma a le adigeina.

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

1 Korente-na 1:24

Wani ir suma Alona mi yazi aduk Juif-fâ kandjaf suma dingîna, Christ máma nad’enga ki ned’a hAlonid’a.

1 Korente-na 10:33

Ar agi lagi d’igi an na. An lahlena pet ná le suma tazi djivid’a. An nga ni hal vama lan an tanda djivid’ina d’i, wani vama le suma ablaud’a ngola tazi djivid’ina, kayam azi fe suta.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

1 Korente-na 4:20

Kayam leud’a hAlonid’a nga ni yam zla d’a ded’a go d’i, wani ni kad’enga mi.

1 Korente-na 9:14

Kayam ndata, Salad’a mi he vuna ala: Suma a nga tchi wal Zla d’a Djivid’ina, a fe te mazina ni kua mi.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Galat-na 5:5

Wani amiya, yam ad’enga hi Muzuk mamid’a, ami nga djubumi bur ma Alona mba mi mbud’umi d’ingêr avoroma. Ami nga tinimi hurumi kat ni yam he gagazid’a.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Filip-ma 4:9

Ahle suma agi had’agizina kahle suma agi vagizina kahle suma agi humugizina kahle suma agi wazi atana, ar agi laziya. Hina wani, Alo ma b’leng nga halasa mba mi kak ki sed’egiya.

Kolos-sâ 2:2

kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

2 Timote 2:10

Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.