1 Tasaloni’â 1:3 - Bible azumeina

³ Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 1:3 Iomraidhean Croise

Ad’u Tinda 29:20

Jakob mi le sunda mi Laban bizad’a kid’iziya yam Rachel; biza d’a kid’iziyad’a ti mbut ir Jakob mi d’igi bur ma kap mbàna hawa na, kayam mam hurum ve Rachel heî.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Sawal la kal teglesa 8:7

Mbiyo ma nglona mi ndak á tchi od’a woi d’i, mbiyo ma kus seina mi ndak á hlubut kä d’uo mi. Le sana mi min he ndjondjoî mamba woi pet á gus od’a ni, suma a mba lazamî laza.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

Romê-na 16:6

Agi gagi Marie d’a le sun nda ngola heî kagid’a depa.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

1 Korente-na 13:13

Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

1 Tasaloni’â 3:6

Wani ki tchetchemba, Timote mi tcholï hatagi mi mba mi dami yam zla d’a djivid’a hi he gagazi magid’a ki o magid’a mi. Mi dami ala agi nga djib’eregi kami ki furîd’a teteu, agi min á wami d’igi ami tami minimi á wagi na mi.

2 Tasaloni’â 1:11

Kayam ndata, ami nga tchenemi Alo meina kagi teteu, kayam mi ndjunugi kad’eng mamba á tit ndak ata yi d’a mi yagi ki d’a á lum tam djivid’a, á le sun nda djivid’a yam he gagazi magid’a kad’eng mamba mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

1 Timote 2:3

Wana ni vama djivina avok Alo ma sud’ina,

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

Hebre-na 11:17

Ni yam he gagazid’a ba, Abraham mi he goroma Isak vama ngat buzuna ata yima Alona kuguma. Ni Abraham ma Alona mi hlum vunama ba, mi he gorom ma tu gid’engâ vama ngat buzuna.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

Hebre-na 6:15

Kayam ndata, Abraham mi ve tam ad’enga gak mi fe vama Alona mi hlum vunam kama.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

1 Jean 3:21

Buniyôn suma od’a, le huri nga vei ki zlad’a d’uo ni, ei nga ki mandarâ avok Alona d’uo mi.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.

1 Jean 5:3

O d’a lat yam Alonid’a ba wana: Ei gei yei kä ad’u vun ma he mama. Vun ma he mama nga ni vama anek ki,

Vama ndum mbeina 2:19

An wahlena pet suma ang nga lazina, an we o manga, d’engzeng manga, sun mang nga led’a ki ve ta manga. An we sun mang nga tchetchemba ti kal la avoka.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.