1 Tasaloni’â 1:1 - Bible azumeina

¹ Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ. Ar Alona mi vagi sumad’a ki b’leng nga halasa.

1 Tasaloni’â 1:1 Iomraidhean Croise

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:27

Kayam ndata, ami sunugi Jude ki Silas; azi tazid’a a mba dagi ahle ndazina woi ki vunazi mi.

Sunda hi suma a sunuzinid’a 15:40

Wani Paul mi man Silas. Kid’a b’oziyoina a tchen Salad’a kazi tchenda, a arazi a iya.

Sunda hi suma a sunuzinid’a 16:19

Ata yima suliyotna a we va mazi ma fe beged’a pat tei dad’a, a ve Paul azi ki Silas, a tanazi ad’u su’â avok suma te yamba.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Sunda hi suma a sunuzinid’a 16:29

Ma ngol ma ngom vun gong nga dangeinina mi yala a humï akud’a, mi ring klaviya, mi ge tam kä avok Paul azi ki Silas, nga mi zlaga.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Sunda hi suma a sunuzinid’a 19:22

Mi sun suma ndjunuma mbà, nala Timote azi ki Eraste, á i Maseduwan, wani mam tamba mi ar kaka yam andaga d’a Asi-d’a ndjö tua.

Sunda hi suma a sunuzinid’a 20:4

Suma a tinima ba wana: Sopater Pirus ma Bere-na goroma, Aristarik ki Sekundus ni suma Tasaloni’â, Gayus ma Derbe-na ki Timote, Tisik ki Trofim ni suma Asi-na.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

2 Korente-na 1:19

Kayam Jesus Christ Alona Gorom ma an ki Silas ki Timote tchagizi walama, mam mi  ki Hawa d’a d’i, wani mam mi  d’a hAlonid’a teteu.

Galat-na 1:2

An ki b’oziyoina pet suma a nga zlapa ki sed’ena, ami nga b’irimi mbaktum mba wanda mi agi Tok ka teteng nga yam andaga d’a Galat-tid’a.

Galat-na 1:22

Wani Tok ka tetenga hi Christ sa avo Jude-d’a ti wan nga iran ndi.

Efes-sâ 1:2

Ar Alona Abuya ki Salad’a Jesus Christ a vagi sumad’a ki b’leng nga halasa.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Kolos-sâ 1:1

Ni an Paul ma a sunuma hi Jesus Christ-sâ kur minda hAlonid’a, zlapa ki wiyeina Timote.

2 Tasaloni’â 1:1

Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ.

1 Timote 1:2

An nga ni b’ir mbaktum mba wanda mi ang Timote, goron ma d’engzeng ma kur he gagazid’ina. Ar Alona Abui ki Saleina Jesus Christ a vang sumad’a, ar a wang hohowong ki b’leng nga halasa mi.

2 Timote 1:2

An nga ni b’ir mbaktum mba wanda mi ang Timote, goron ma hurun vang heîna. Ar Alona Abui ki Saleina Jesus Christ a vang sumad’a, a wang hohowong ki b’leng nga halasa mi.

Hebre-na 13:23

An gagi humagi ala a ge wa wiyeina Timote akulo. Le mi mba ka tchetchemu ni, ami mba zlabami ki sed’em á iza hatagi á d’ugiya.

1 Pierre 5:12

An de mi Silas ala mi b’irigi mbaktum mba gor ra wanda. Ni ma an golom d’igi wiyei ma d’engzengâ na na. An nga ni gigid’egiya, an nga ni le glangâsâ yam sumad’a hAlonid’a ala ni d’a gagazid’a. Agi tchologi kurut ngingring.

1 Jean 1:3

Vama ami wamizina, vama ami humumizina, ami nga lagi glangâsâ kam mi, kayam agi lagi darigïd’a ki sed’emiya. Darigï meid’a ni kAbui Alona ki Goroma Jesus Christ.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.