1 Sunda Hamuleinid’a 4:10 - Bible azumeina

¹⁰ Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.

1 Sunda Hamuleinid’a 4:10 Iomraidhean Croise

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 12:8

Bugola, mi tcholï kolâ, mi mba yam ahuniyô suma Betel-lâ abo ma yorogona, mi ve zlub’u mamba ata yi máma aduk Betel ki Aï, Betel abo ma fladegena, Aï abo ma yorogona mi, mi min yima ngal ahle suma ngat buzuna mi Ma didina, mi tchen ki simiyêm mi.

Ad’u Tinda 28:20

Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka,

Ad’u Tinda 28:21

le an hulongî avo habun ki lafiya ni, ata yi máma Ma didina mba mi arî Alo mana.

Ad’u Tinda 32:26

Sa máma mi de mi Jakob ala: Ang aranu, kayam yina ar go á fod’a. Jakob mi hulong dum ala: An arang ngi. Ang b’e vunang kan tua.

Ad’u Tinda 32:27

Sa máma mi dum ala: Simiyêngâ na? Mi hulong dum ala: Jakob.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

1 Sunda Hamuleinid’a 16:8

Agi gilegi Ma didina, agi dagi woi yam ngol mamba, agi tagam sun mamba woi aduk andjaf suma dingâ mi.

1 Sunda Hamuleinid’a 4:11

Kelup Suha wiyema mi vut Mehir mam mi Eston abum mi.

1 Sunda Hamuleinid’a 4:9

Jabes ni ma suma a nga hum ngola heî kal b’oziyomina. Asum mbi tinim simi ma Jabes-sâ ni kayambala ata yima ti vud’uma ti fe ndaka ki sed’em heyû d’a.

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Sawal la giled’a 119:173

Ar ang mad’ï abong ang ndjununu, kayam an man ni gat manga.

Sawal la giled’a 121:7

Ma didina mba mi ngomong abo ahle suma tchona pet, mba mi ngomong karid’a.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 51:12

Alo mana, ang mbud’un ndei yed’et, ang han djib’er ra djivi d’a ndaka kurunu.

Sawal la giled’a 51:8

Wani vama ang minim ata sanina ni ge yam mba kä ki gagazid’id’a. Kur djib’er man nda kurun krovod’a an min ala ang tagan ned’a.

Sawal la giled’a 55:16

Ar man suma djangûna a bo ni mad’abilâ, azi kal azulei ni ki irazi ata yima nduvunda, kayam asa’ata nga oîd’a kuruziya.

Sawal la giled’a 65:2

Alo mana, kur azì ma Siyon-na, nge nge pî mi ndak á gilengû, mi ndak á ndak vun vama mam hlang vunam kama mi.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Zla d’a d’ogolâ 30:8

Ang walan ndei ki zla d’a hawa yaka ki zla d’a kad’a. Ang han houd’a d’uo mi na, ang han ndjondjoîd’a d’uo mi. Ang han ni te ma ndagana hol.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 19:42

Mi de mi suma kurâ ala: Ladjï agi wagi ini ala ni vama ndak á mbagi ki b’leng nga halasa ni, ni vama djivina kagiya, wani ki tchetchemba a ngeyem wa iragiya, agi ndak á wum mbi.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 16:19

Suma pet a wala agi nga gagi yagi kä ad’u Salad’a. Kayam ndata, an nga ni le furîd’a kagiya, wani an min ala ar agi kagagi ki ned’a á lahle suma djivina, ar agi walagi woi kahle suma tchona mi.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

1 Samuel 1:17

Ata yi máma Eli mi hulong dat ala: Ndak i lafiya; ar Alona hi Israel-lîna mi hak vama ndak tchenem kama.

1 Samuel 1:20

Kur biza ndata, ti ve wirâ, ti vut gorâ, ti yum ala Samuel, nala, An tchenem nabo Ma didina.

1 Samuel 1:26

Anne ti dum ala: Salana, ang tang ki irang wana, an natcha d’a ni tchol kambei ka hî geveng á tchen Ma didinid’a.

1 Samuel 1:27

Wana ni gor ma an tchenem aboma, mi handji wana.