1 Sunda Hamuleinid’a 3:2 - Bible azumeina

² Ma hindina ni Apsalom. Asum a yat ala Mäka, ni Talmai amul ma Gesur-râ goromba. Ma fid’ina ni Adoniya. Asum a yat ala Hagit.

1 Sunda Hamuleinid’a 3:2 Iomraidhean Croise

2 Samuel 13:1

Bugol ahle ndazina, ahle suma lena ba wana: Apsalom David goroma wiyemba nga, ti djif heî, a yat ala Tamar. Amnon David gorom ma dingâ hurum vat heî.

2 Samuel 13:38

Kid’a Apsalom mi ring Gesur-ra, mi kak sä kua bizad’a hindi.

2 Samuel 14:23

Jowap mi tchol mi i Gesur, mi veï Apsalom, mi mbam avo Jerusalem.

2 Samuel 14:32

Apsalom mi hulong de mi Jowap ala: Gola! An ge sunda atang ala ang mbeï an sunung gen amulâ, ang dum ala: Ni kayam me ba, an tcholï Gesur ni mba ge? An kak sä dji kua pî ni hotei. Ki tchetchemba, an min ni we ir amulâ. Le an nga ki zlad’a kanu ni, ar mi tchanu!

2 Samuel 15:8

Kayam an azong mangâ, kid’a an sä kaka Gesur yam ambas sa Siri-d’id’a, ni hle vunan ala le Ma didina mi hulongônï ka hî Jerusalem-mu ni, an mba ni kud’urom sä Hebron.

2 Samuel 18:14

Jowap mi dum ala: An min ve yan ki sed’eng ngi! Mi yo djamba abom hindi, mi zirigit kur Apsalom kid’a mi nga akulo ata aguna bei matna tua d’a.

2 Samuel 18:18

Kid’a Apsalom mi nga ki iram tua d’a, mi min asu d’a ge humba kur hora hamulîd’a, kayam mi dala: An goron nga d’ala sa mba mi yan ki simiyên avin ndi. Mi yasu d’a ge hum ndata ki simiyêm mam tamba, a nga yat gak ini ala Asu d’a ge humba hi Apsalom-mba.

2 Samuel 18:33

Ata yi máma amulâ mi hat hurum ngola, mi djak akulo kur gong nga yam ndrat ta akulo d’a avun agre’îd’a, nga mi tchiya. Kur tita nga mi dala: Gorona Apsalom! Gorona Apsalom! An mit adjï ni an ni d’ö ge! Apsalom gorona, gorona!

2 Samuel 3:3

ma mbàna a yum ala Kilap, ni Abigayel atchad’a hi Nabal ma Karmel-lîd’a gorotna; ma hindina a yum ala Apsalom, ni Mäka Talmai amul ma Gesur-râ gorom mba gorotna;

2 Samuel 3:4

ma fid’ina a yum ala Adoniya, ni Hagit gorotna; ma vahlâ a yum ala Sefatiya, ni Abital gorotna;

1 Amuleina 1:5

Kur biza ndata Adoniya David gorom ma asum Hagit-na, mi hle yam akulo, mi dala: An mba ni kak amula! Mi min pus ma dur ayîna ki azigar suma djang akulumeina, mi yo azigarâ dok vahl á ring avoromu.

1 Amuleina 1:6

Mam mi ma vut yam Apsalom-ma; mam tamba pî mi djif heî mi. Wani abum mi ngobom nga yam ahle suma mi lazina yam tu d’ala: Ang le na ni me na ge d’a d’i.

1 Amuleina 2:22

Amulâ Salomon mi de masum ala: Ni kayam me ba, ndak tchenen yam Abisak ka Sunam-mba mi Adoniya ge? Wani ndak djobon ala an hum amula tua, kayam mam mi wiyen ma ngolâ! Ndak djobot yam ma ngat buzuna Abiyatar ki Jowap Seruya gorotna mi!

1 Sunda Hamuleinid’a 2:23

Suma Gesur-râ ki suma Aram-ma a hlazì ma Jayir-râ zlapa kazì ma Kenat-na kazì ma nguyuma pet mi. Azì ma nglona pet ni dok karagaya. Suma a kak yam ambas ndatina pet ni Makir ma Galät abuma groma.

1 Sunda Hamuleinid’a 3:1

David grom suma mi vud’uzi avo Hebron-na ba wana: Gorom ma ngolâ ni Amnon. Asum a yat ala Ahinowam ni d’a Jisreyel-la. Ma mbàna ni Daniel. Asum a yat ala Abigayel ni d’a Karmel-la.

1 Sunda Hamuleinid’a 3:3

Ma vahlâ ni Sefatiya. Asum a yat ala Abital. Ma karagayana ni Jitram. Asum a yat ala Egla.

Josue 13:13

Wani Israel-lâ a dik nga suma Gesur-râ ki suma Mäka-na woi d’i. Sum ndazina a nga kaka aduk Israel-lâ gak ini.