1 Sunda Hamuleinid’a 3:1 - Bible azumeina

¹ David grom suma mi vud’uzi avo Hebron-na ba wana: Gorom ma ngolâ ni Amnon. Asum a yat ala Ahinowam ni d’a Jisreyel-la. Ma mbàna ni Daniel. Asum a yat ala Abigayel ni d’a Karmel-la.

1 Sunda Hamuleinid’a 3:1 Iomraidhean Croise

2 Samuel 13:1

Bugol ahle ndazina, ahle suma lena ba wana: Apsalom David goroma wiyemba nga, ti djif heî, a yat ala Tamar. Amnon David gorom ma dingâ hurum vat heî.

2 Samuel 13:29

Azungeîna hi Apsalom-ma a le d’igi Apsalom mi hazi vuna na, a tchi Amnon. Ata yi máma amulâ groma pet a tchola, nge nge pî mi nga yam koro ma akulum ma akulum mama, mi ringâ.

2 Samuel 3:1

Ayîna nga mi i avogovok aduk suma hi Saul-lâ ki suma hi David-na. David nga mi i avogovok kur ayî ma durâ, wani suma hi Saul-lâ a nga ngar kazigaziya.

2 Samuel 5:13

Kid’a David mi arza Hebron ndei mi mba Jerusalem-mba, mi vik arop suma gureina karop suma dingâ kua, mi vut gro andjofâ ki gro aropma.

1 Sunda Hamuleinid’a 2:55

suma ndum mbaktum suma a nga kaka Jabes-sâ, suma Tirat-na, suma Simat-na ki suma Sukat-na mi. Azi ni suma Ken suma a tcholï ata Hamat ma mi gäd’u azì ma Rekap-mina.

1 Sunda Hamuleinid’a 28:5

Aduk gron suma ablau suma mam handjina pet, mi man Salomon á kak yam zlam mba amula kur leud’a hi Ma didinid’a yam Israel-lâ.

1 Sunda Hamuleinid’a 3:2

Ma hindina ni Apsalom. Asum a yat ala Mäka, ni Talmai amul ma Gesur-râ goromba. Ma fid’ina ni Adoniya. Asum a yat ala Hagit.

Josue 15:56

Jisreyel, Jakdeyam, Zanowa,

1 Samuel 27:3

David ki sum mama a kak zlapa ki Akis avo Gat, nge nge pî ki sum mama; David nga kamiyôm suma mbàna, Ahinowam mba Jisreyel-la ki Abigayel atchad’a hi Nabal ma Karmel-lîd’a mi.