1 Sunda Hamuleinid’a 27:1 - Bible azumeina

¹ Wana nablaud’a hi Israel suma avok sum mazinina, suma avok azigar suma dudubuna, suma avok azigar suma kikisâ ki azigar suma nglo suma a nga le sunda mamulâ kur ades ma lara ge kur mba mazid’a ki i mazid’a kur til ma lara kur bizad’ina. Ades ma lara pî, suma kuruma a ni 24.000.

1 Sunda Hamuleinid’a 27:1 Iomraidhean Croise

2 Samuel 23:8

Wana ni simiyê grang suma dur ayîna hi David-na: Isebäl ma Hakmon-na; ni ma a yum ala Adino ma Es-sâ na mi; ni ma yam grang suma hindina; ni ma yam tu mi i tchi suma kasap mamba kikisa klavandina.

1 Amuleina 4:27

Suma nglo suma te yam suma dogo yam mbà suma amulâ Salomon mi tinizina, a nga tok te ma nda’â yam Salomon ki suma mam nga mi yazï á te tenina. Nge nge pî adigazi nga mi le sun mamba tilâ tu kur bizad’a ki djib’era ala ar va mi kid’ak ki d’a.

1 Amuleina 4:7

Salomon mi tin suma nglo suma te yamba dogo yam mbà; sum ndazina a nga i kur ambas sa Israel-la pet, a nga tok tena yam amulâ ki suma avo hatama pet. Nge nge pî mi nga ki sun mamba tilâ tutu gak bizad’a.

1 Amuleina 5:14

Til ma lara pî mi sun sumuna adigazi 10.000 yam ahuniyô suma Liban-na. Azi le sunda tilâ tu, a hulong le tilâ mbà avo hatazi mi. Adoniram ni ma yam sun ndatina.

1 Sunda Hamuleinid’a 11:10

Wana ni grang suma avok suma dur ayîna hi David suma a ndjunum zlapa ki Israel-lâ pet á hum ad’enga á tamula d’igi Ma didina mi he vuna yam sum mama na na.

1 Sunda Hamuleinid’a 13:1

David mi ndjak vunam ki suma avok azigar suma dudubuna ki suma avok azigar suma kikisâ zlapa ki suma nglo suma avok sumina pet mi.

1 Sunda Hamuleinid’a 26:32

Jeriya b’oziyom suma gangrangâ a ni 2700, ni suma avok sum mazinina. David mi tinizi á ngom ahlena hAlonina kahle mam suma amula yam andagad’a hi suma hi Ruben-nid’a, yam andagad’a hi suma hi Gad-nid’a kandagad’a habo andjafâ hi Manase-nid’a mi.

1 Sunda Hamuleinid’a 27:2

Kur bizad’a, kur til ma lara pî ma ngol ma avok ades ma lara pî nga mi mba ki sum mama á le sunda. Ades ma lara mi pî nga ki suma 24.000. Ma mba kur til ma avo’â kades mamina ni Jasobeyam Zapdiyel gorom ma ad’u andjafâ hi Peres-sâ. Ma mba kur til ma mbàna kades mamina ni Dodai ma ad’u andjafâ hi Ahohi-na. Azigar mam ma ngolâ ni Miklot. Ma mba kur til ma hindina kades mamina ni Benaya Jehojada ma ngat buzuna goroma. Benaya ni grang ma aduk suma dok hindi ndazina, ni ma avorozina mi. Goroma Aminazap ni ma ngolâ tu kur ades mama mi. Ma mba kur til ma fid’ina kades mamina ni Asayel Jowap wiyema. Ma vrak blagama ni goroma Zebadiya. Ma mba kur til ma vahlâ kades mamina ni Samut ma ad’u andjafâ hi Jisra-na. Ma mba kur til ma karagayana kades mamina ni Ira Ikes ma Tekowa-na goroma. Ma mba kur til ma kid’iziyana kades mamina ni Heles ma Pelon ma ad’u andjafâ hi Efraim-ma. Ma mba kur til ma klavandina kades mamina ni Sibekai ma ad’u andjafâ hi Husa ma ad’u adesâ hi Zera-na. Ma mba kur til ma zlengîna kades mamina ni Abiyezer ma Anatot ma ad’u andjafâ hi Benjamin-na. Ma mba kur til ma dogona kades mamina ni Maharai ma Netofa ma ad’u adesâ hi Zera-na. Ma mba kur til ma dogo yam tuna kades mamina ni Benaya ma Piraton ma ad’u andjafâ hi Efraim-ma. Ma mba kur til ma dogo yam mbàna kades mamina ni Heldai ma Netofa ma ad’u adesâ hi Otniyel-lâ.

1 Sunda Hamuleinid’a 28:1

David mi tok suma avok Israel-lîna pet avo Jerusalem, nala, suma avok nadjavazina, suma avok adesâ hi azigar suma a le sunda hamulîna, suma avok azigar suma dudubuna, suma avok azigar suma kikisâ, suma avok suma a gol ahle suma djivina hamulâ ki d’uwar mama ki ma hi gromina, suma ngom aropma, grangâ ki suma gangrangâ mi.

1 Sunda Hamuleinid’a 29:6

Ata yi máma suma avok andjafâ hi Israel-lîna, azigar suma nglo suma avok azigar suma dudubuna, suma avok azigar suma kikisâ ki suma avok suma a le sunda kamulîna, a he he d’a hawad’a ki hur ma djivina

2 Sunda Hamuleinid’a 1:2

Salomon mi yi Israel-lâ pet, nala, azigar suma nglo suma avok azigar suma dudubuna, suma avok azigar suma kikisâ, suma ka sariyad’a, suma nglo suma avok Israel-lâ pet ki suma avok sum mazinina mi.

Buzuk ka Abud’a 18:25

mi man suma nda’â aduk suma, mi tinizi yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Gat ta a hat á mbàd’id’a 1:15

Ata yi máma an yo suma avok andjavagi suma ned’a ki suma suma a wazina, an tinizi yam suma dudubuna, yam suma kikisâ, yam suma dok vahl dok vahlâ, yam suma dodogona; ni suma kad’enga yam ades maginina mi.

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

1 Samuel 8:12

Suma dingâ a mba kak suma te yam suma dubuna, suma dingâ a mba te yam suma dok vahlâ, suma dingâ a mba zumum asinemu, suma dingâ a mba zum awu mama, suma dingâ a mba zle ahle suma dur ayîna kahlena hi pusîna mi.