1 Sunda Hamuleinid’a 26:26 - Bible azumeina

²⁶ Selomit ki b’oziyoma ni suma a tinizi á ngom ahlena pet suma amulâ David ki suma avok sum mazinina ki suma avok azigar suma dudubuna ki suma avok azigar suma kikisâ ki suma nglo suma avok azigar suma dingîna a tinizi irazi vazi mAlonina.

1 Sunda Hamuleinid’a 26:26 Iomraidhean Croise

2 Samuel 8:11

David mi tinizi irazi vazi mi Ma didina d’igi mam tin kawei ma hapma ki lora suma mam yozï abo andjaf suma pet suma mam kus kazina mi Ma didina na mi.

1 Sunda Hamuleinid’a 18:11

David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

1 Sunda Hamuleinid’a 22:14

Wana nahle suma an minizi ata ad’eng manda á min gonga mi Ma didina, nala, lora tonna 3000 ki kawei ma hapma tonna 30.000 zlapa ki kawei ma hleuna ki kawei ma wurana ablaud’a a ndak nga á ndumba d’i. An min aguna kahinad’a mi. Ang mba tchuk kazi kua mi.

1 Sunda Hamuleinid’a 26:25

B’oziyom suma ad’u andjafâ hi Eliyezer-râ ba wana: Eliyezer mi vut Rehabiya, Rehabiya mi vut Isai, Isai mi vut Joram, Joram mi vut Zikri, Zikri mi vut Selomit.

1 Sunda Hamuleinid’a 26:27

Nahle suma azi yozi aduk ahle suma a yozï avun ayîna a tinizi irazi vazi á min ki gong nga kud’ora hAlonid’ina.

1 Sunda Hamuleinid’a 28:21

Gola! Ades suma ngat buzuna kades suma hi Levi-na a nga ki sed’eng á le sun nda lara ge pet ta nga kur gong nga kud’ora hAlonid’a. Suma d’alâ pet, suma le sun nda lara ge kur min mazid’ina, suma avok suma ki suma pet suma hum vuna kablaud’a hi sumid’a pet a mba tit ni yam vun mang ma hed’a mi.

1 Sunda Hamuleinid’a 9:14

Suma hi Levi-na ni Semaya, Bakbakar, Heres, Galal, Mataniya, Obadiya ki Berekiya. Semaya abuyom ngolo ba wana: Hasup, Asrikam ki Hasabiya ma ad’u adesâ hi Merari-na. Mataniya abuyom ngolo ba wana: Mika, Zikri ki Asaf. Obadiya abuyom ngolo ba wana: Semaya, Galal ki Jedutun. Berekiya Asa gorom ma nga kaka kel huyok azì ma Netofa-nina, mi ni Elkana gorom ngolona.

2 Sunda Hamuleinid’a 23:8

Suma hi Levi-na ki suma Juda-na pet a lahle suma ma ngat buzuna Jehojada mi hazi vuna kazina. Azi nge nge pî, mi yo sum mama, suma a kal á le sunda kur bur ma sabatnina ki suma sun mazid’a dap kur bur ma sabatnina mi, kayam ma ngat buzuna Jehojada mi he nga vuna mades tu á tuk tam mbi.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Esdras 2:42

Andjaf suma a ngom vun gongîyonina ba wana: Adesâ hi Salum-ma, adesâ hi Ater-râ, adesâ hi Talmon-na, adesâ hi Akup-ma, adesâ hi Hatita-na kadesâ hi Sobai-na, azi pet ni 139.

Nehemi 12:45

kayam a nga ngom ahlena pet suma ngad’a yam sunda hAlo mazinid’a ki sun nda ngad’a yam yed’etina mi. Suma hle sawala ki suma ngom vun gongîyona a nga le d’igi David azi ki goroma Salomon a he vuna na mi.