1 Sunda Hamuleinid’a 24:6 - Bible azumeina

⁶ Ata yima a le togina kazina, a yo ad’u andjafâ hi Elazar-râ mbà, a hle aduk andjafâ hi Itamar-râ tu mi. Ma b’ir mbaktumba Semaya Natanel ma ad’u andjafâ hi Levi-na goroma, mi b’irizi simiyêzi kä avok amulâ, avok suma nglo suma avok sumina, avok Sadok ma ngat buzuna, avok Ahimelek Abiyatar goroma, avok suma nglo suma avok suma ngat buzunina kavok suma nglo suma avok suma hi Levi-nina mi.

1 Sunda Hamuleinid’a 24:6 Iomraidhean Croise

1 Amuleina 4:3

Elihoref ki Ahiya Sisa groma ni suma b’ir mbaktumba; Josafat Ahilut goroma ni ma mi ngom zla d’a a b’irit kä d’ina;

1 Sunda Hamuleinid’a 18:16

Sadok Ahitup goroma azi ki Abimelek Abiyatar goroma ni suma a ngat buzuna mAlonina. Savesa ni ma b’ir mbaktumba.

1 Sunda Hamuleinid’a 23:24

Wana nandjaf suma hi Levi suma avok sum mazina ad’u andjavazina, ni suma a ndumuzi ki simiyêzi gagang suma bizazi dok mbà dok mbàna, d’oze suma bizazi kal dok mbà dok mbàna á le suna gong nga kud’ora hi Ma didinid’a.

1 Sunda Hamuleinid’a 24:31

a ni suma avok sum mazina d’igi b’oziyozina na na mi, a le togina kazi avok amulâ David, avok Sadok, avok Ahimelek, avok suma nglo suma avok suma ngat buzunina kavok suma nglo suma avok suma hi Levi-nina mi, ngad’a yam ades ma ngolâ kades ma gorâ mi.

1 Sunda Hamuleinid’a 24:7

Suma a manazi ki toginina ba wana: 1 Jehojarip 2 Jedaya 3 Harim 4 Seyorim 5 Malkiya 6 Miyamin 7 Hakos 8 Abiya 9 Josue 10 Sekaniya 11 Eliyasip 12 Jakim 13 Hupa 14 Jesebap 15 Bilga 16 Imer 17 Hezir 18 Hapises 19 Petahiya 20 Ezekiyel 21 Jakin 22 Gamul 23 Delaya 24 Mäziya

2 Sunda Hamuleinid’a 34:13

a ni suma yam suma zi ahlena yam suma a le sun nda lara ge petna. Suma hi Levi suma dingâ a ni suma b’ir mbaktumba, a ni suma nglo suma gol sunda ki suma a kak ndjolina mi.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

Matiye 13:52

Mi dazi ala: Kayam ndata, sama hat gat ma lara pî ma mbut tam ma hata yam leu d’a akulod’ina, mi hle tamî d’igi samazì ma nga mi yoï ahle mam suma awilina ki suma adjeuna woi ata yazi ma ngeid’ina na.

Matiye 8:19

Ma hat gata tu mi mba gevem mi dum ala: Ma hat suma, an mba ni tit ad’ung ata yima ang i kuana pet.

Marik 2:26

Mi kal kur gonga hAlonid’a, mi tavungô ma nga tinda avok Alonina. Natchogoi d’a Abiyatar ni ma ngol ma ngat buzunid’a. Kur gat meid’a suma ngat buzuna a tumî azi hol. Wani David mi kal kua, mi yomu, mi he mi suma a nga ki sed’ema mi.