1 Sunda Hamuleinid’a 21:22 - Bible azumeina

²² David mi de mi Ornan ala: Ang han yi mang ma to gemena, kayam an ni min yima ngal ahle suma ngat buzuna mi Ma didina kua. Ang handji ni ki gus sa irata kayambala tugud’eid’a ti ar suma bei tchid’a d’a.

1 Sunda Hamuleinid’a 21:22 Iomraidhean Croise

Ad’u Tinda 23:9

kayam mi han zul ahina mam mba Makpela d’a avun dabid’a hasine mamid’a. Mi handji ki gus sa ndaka, kayam mi arî yi man ma tos matna adigagiya.

Ad’u Tinda 50:10

Kid’a azi mbaza ata yima to awuna hi Atat ma sä abo alum ma Jurdê-na woi hinid’a, azi tchim tchi ma hat hurâ kua ngola. Josef mi tchi abum kua burâ kid’iziya.

2 Samuel 24:21

mi dum ala: Salana, amul mana, ni nana ba, ang mba ini avo hi an azong mangâ ge? David mi hulong dum ala: An mba ná gus yi mang ma to awuna, kayam an min yima ngal ahle suma ngat buzuna mi Ma didina kua. Hina wani, tugud’ei d’a tcho d’a tchi matna mba d’i ar suma bei tchid’a.

1 Amuleina 21:2

Ahap mi de mi Nabot ala: Ang han asine mang ma guguzlud’a, an mbud’um asine ma zar ahle suma amblad’a, kayam mi go kaziyanu. Le ná mbuta ni, an hang asine ma guguzlu ma djivi ma kalâ. D’oze, le ang mina ni, an wuragang beged’a.

1 Sunda Hamuleinid’a 21:21

Kid’a David mi mba go ki Ornan-nda, Ornan mi mbut iram mi we David, mi nde woi ata yima to gemena, mi grif kä ki iram andaga avok David.

1 Sunda Hamuleinid’a 21:23

Ornan mi de mi David ala: Ang vumu! Salana amul mana, ang le vama hurung minima. Gola! An hang amuzleina wana ni yam he d’a hawa d’a ngala, agu pusâ ki dju’â a nagu ma ngala, awuna ni yam he d’a hawa d’a afuta mi. Wan pet, an hangzi ni mi angû.

Ndumba 16:48

Mi tchol aduk suma matna ki suma arina. Tugud’ei d’a tchod’a ti arazi bei tchid’a.

Ndumba 25:8

mi i ad’u ma Israel-lâ krovo kur zlub’u mamba, mi tchogom katcha ndata huyogozi ki zla tazi djak. Ata yi máma tugud’ei d’a tcho d’a tchi matna ti ar bei tchi Israel-lâ.