1 Sunda Hamuleinid’a 21:16 - Bible azumeina

¹⁶ David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

1 Sunda Hamuleinid’a 21:16 Iomraidhean Croise

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

2 Amuleina 6:17

Bugola, Elise mi tchen Ma didina ala: Ma didina, an nga ni tchenengû, ang malam iram mbei á wed’a. Ma didina mi malam iram mbeyo. Mi wakulumei suma akud’a ki pus ma aku ma dur ayîna teteng akulo yam ahinad’a ngui Elise d’uhl.

Ezekiyel 30:25

An mba ni had’enga mamul ma Babilon-na. Fata an hum mbigeu man nda fiyaka abom mi mbud’ut vunat á dur ki suma yam ambas sa Ezipte-d’id’a, Faron bigam mba d’i tchuk kä karabatak, azi mba wala an ni Ma didina mi.

Ezekiyel 9:8

Ata yima azi nga tchi sumina, an nga tchola tua, an ge tan kä avoromu, nga ni tchi ala: Alë! Salad’a Ma didina, ang mba dap Israel-lâ ad’uzi d’a ara tchid’a woi yam hur mang ma zal ma ang mbam yam Jerusalem-ma zu?

Ndumba 14:5

Moise azi ki Aron a puk kä ki irazi andaga avok ablaud’a hi Israel-lîd’a.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 22:23

Korod’a ti we malaikana hi Ma didinina mi nga tchola hur lovota ki mbigeu mam mba fiyaka nga pata woi abomu. Korod’a ti d’es sei kur lovota, nga d’i i aduk asuna. Wani Baläm mi wad’at á gat kur lovota.

Ndumba 22:31

Ma didina mi mal ir Baläm. Baläm mi we malaikana hi Ma didinina mi nga tchola kur lovota ki mbigeu d’a fiyaka nga pata woi abomu. Baläm mi tchok yam kä mi grif kä andaga ki iramu.

Suma ka sariyad’a 13:20

Ata yima akud’a sinat nga d’i trâ akulo yam yima ngal ahle suma ngat buzuna ti i irat akulo hur alonina, malaikana hi Ma didinina nga mi djak akulo aduk sin akud’a yam yima ngal ahle suma ngat buzuna. Ata yima Manowa azi kamamba a we hina na, a grif kä andaga.