1 Sunda Hamuleinid’a 21:14 - Bible azumeina

¹⁴ Ma didina mi sun tugud’ei d’a tcho d’a tchi matna aduk Israel-lâ. Ti tchi suma 70.000.

1 Sunda Hamuleinid’a 21:14 Iomraidhean Croise

1 Sunda Hamuleinid’a 27:24

Jowap Seruya gorotna mi tin ad’ud’a á ndum suma, wani mi dabazi nga pet ti, kayam Ma didina hurum zal ngola yam Israel-lâ yam ndum mba a ndumuzid’a. Ni kayam ndata ba, a b’irizi nga ablau mazi kä kur Mbaktum mba de zlad’a yam Sunda hAmulâ David-ta d’uo ni na.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

2 Samuel 24:15

Ma didina mi sun tugud’ei d’a tcho d’a tchi matna aduk Israel-lâ, ki yorogo dei gak mba ata yima mam ngama, tinï ad’ud’a Dan dei gak mba Berseba. Ti tchi suma 70.000.

1 Samuel 6:19

Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya. Suma a arâ pet a nga tchi tchi ma hohoud’a, kayam Ma didina mi ngobozi heî.

Ndumba 25:9

Tugud’ei d’a tcho ndata ti tchi suma ni 24.000.

Buzuk ka Abud’a 12:30

Kur andjege ndata, Faron kazungeî mama ki Ezipte-na pet a tchola, a wet tchina gandjau kur Ezipte, kayam hur azì ma bei fe matna kuana tu pî nga d’i.