1 Sunda Hamuleinid’a 21:12 - Bible azumeina

¹² Ang min ni me ge? Ang min ala baktarad’a ti nde yam ambas manga bizad’a hindi, d’oze ang min ala mang suma djangûna a kus kang ki mbigeu d’a fiyaka gak tilâ hindi, d’oze ang min ala an Ma didina ni sunï malaika mana ki mbigeu d’a fiyaka abom ki tugud’ei d’a tchod’a á tchi suma woi yam ambas sa Israel la lara ge pet gak burâ hindi zu? Ki tchetchemba, ang danu; an hulong humba mi ma sununïna.

1 Sunda Hamuleinid’a 21:12 Iomraidhean Croise

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

2 Amuleina 8:1

Bur tu Elise mi de matcha d’a mam zlid’it gorotna akulo ata yima matnid’a ala: Ndak tchol ki suma avo hata’â, agi i kagagi ata yima ndak iragi á kakina, kayam Ma didina nga mi mba ki baktarad’a yam andaga d’a Israel-lâ, baktara ndata mba d’i le ni bizad’a kid’iziya mi.

1 Sunda Hamuleinid’a 21:11

Gat mi mba gen David mi dum ala: Ma didina mi dala:

Sawal la giled’a 91:6

d’oze tugud’ei djabum ma vang andjegena d’oze b’lak ka fang falei d’ad’ara d’uo.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 42:16

ayî ma dur ma agi nga lum mandarama, mba mi mba kagi sä kur ambas sa Ezipte-d’a; baktara d’a agi nga djib’eregi kata, mba d’i mba kagi sä Ezipte, agi mba bogi sä kua.

Jeremi 47:6

Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

Hor ma tchina 4:9

Suma a tchazi avun ayînina hotei kal suma meid’a ti tchazi suma ad’engêzi ti dap pei suma tena kid’agazina.

Sunda hi suma hi Levi-nid’a 26:10

Agi mba tagi awu ma adjeuna gak agi mba yom mbei á vrak ma awilina blangâmu.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Wana ni Zla d’a Djivi d’a Luc mi b’irita 4:25

Wani gagazi, an nga ni dagiya, adjeu arop suma modonod’a ablaud’a a nga yam andaga d’a Israel-la kur atchogoid’a Elie-d’a, kid’a alona se d’uo bizad’a hindi ki tilâ karagayad’a. Baktara d’a ngola nde yam andagad’a pet.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Gat ta a hat á mbàd’id’a 28:15

Moise mi de kua ala: Wani le agi gagi yagi kä avok Ma didina Alo magina d’uo, le agi ngomogi nga vun ma he mama agi tid’igi nga kam mbuo, le agi tid’igi nga yam gat ta pet ta an hagizi ini wanda d’uo mi ni, wana ni vun ma ge ma mam mba mi gagizina:

Gat ta a hat á mbàd’id’a 28:22

Ma didina mba mi tumugi ki tugud’ei d’a itna ki ta d’a kumura ki tugud’ei d’a hopma. Awu magina mba mi so woyo, mba mi tchora, tcheîd’a mba d’i tchum mbei mi. Ahle ndazina a mba lagi hina gagak agi mba dabagi woyo.

Gat ta a hat á mbàd’id’a 28:25

Ma didina mba mi he magi suma djangûna ad’enga á kus kagiya, agi mba igi atazi á durâ ni kur lovot ta tud’a, wani agi mba ringîgi avorozi ni ki lovota teteng kid’iziya. Agi mba mbud’ugi ni suma mandarâ avok suma yam andagad’ina pet.

Gat ta a hat á mbàd’id’a 28:27

Ma didina mba mi tumugi ki mbil ma Ezipte-na ki tugud’ei d’a a yat ala emerota ki vuyoka ki ta d’a mburdjuk ka bei tchila ba d’a.

Gat ta a hat á mbàd’id’a 28:35

Ma didina mba mi tumugi ki mbil ma bei tchila ba na ata guguvagiya, ata ab’alagiya, mba mi tumugi tinï ad’ud’a ata asegi kä dei gak i kagi akulo mi.