1 Sunda Hamuleinid’a 20:1 - Bible azumeina

¹ Tcha damad’a, natchogoi d’a amuleina a i durâ abageid’a, Jowap mi i ki azigarâ ablaud’a á b’lak ambasa hi suma Amon-nid’a, mba mi ngui azì ma Raba-na. Wani David mi ar kaka avo Jerusalem. Jowap mi dur azì ma Raba-na, mi b’lagam mbeyo.

1 Sunda Hamuleinid’a 20:1 Iomraidhean Croise

2 Samuel 11:1

Tcha damad’a, natchogoi d’a amuleina a i durâ abageid’a, David mi sun Jowap azi ki azigar mam suma nglona ki Israel-lâ pet á b’lak suma Amon-na, á hle Raba mi. Wani David mi ar kaka avo Jerusalem.

2 Samuel 17:27

Kid’a David mi mba avo Mahanayim-mba, Sobi Nahas ma Raba d’a Amon-nda goroma, Makir Amiyel ma Lodebar-râ goroma ki Barzilai ma Galät ta Rogelim-mba,

1 Amuleina 20:22

Wani ma djok vun Alona máma mi hulong mba gen amul ma Israel-lâ, mi dum ala: Ang ve tang ad’enga, ang djib’er djivi yam vama ang mba luma, kayam dama hina dedege wani, amul ma Siri-na mba mi hulongî á dur ayîna ki sed’eng ngei!

1 Amuleina 20:26

Tcha dama ata yi máma hina dedege wani, Ben-Hadat mi i gol azigar mam suma Siri-na, mi i ki sed’ezi avo Afek á dur ayîna ki Israel-lâ.

2 Amuleina 13:20

Elise mi mid’a, a tozomu. Azigar suma Mowap-ma a nga mba hurum ahlena yam andaga d’a Israel-la bizad’a ki bizad’a.

1 Sunda Hamuleinid’a 19:19

Kid’a amulei suma ad’u Hadadezer-râ a we d’ala Israel-lâ a kus kaziya d’a, a ve banad’a ki David, a ge yazi kä ad’umu. Suma Siri-na a min á ndjun suma Amon-na kua d’uo d’a.

Isai 54:16

Gola! An min sa ma tchaf ma mi le vigina yam aku d’a kiwilîna, ni ma mi zle ahle suma sïna ki d’al mamina. Wani an min wa ma b’lak ahle suma sï ndazina woina mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Ezekiyel 21:20

á mbut suma mandarâ hehebek á samazi mad’azi ka didi d’a. Mbigeu d’a fiyak ka an mba ni tinit avun agrek ma lara ge pet ndata, a lat ná wiled’a, a ngomot ná tchi matna mi.

Ezekiyel 25:5

An mba ni mbut azì ma Raba-na yima burâ hi djambalina, an mba ni mbut ambas magid’a yima burâ hi d’uwarîna mi. Agi mba wagi ala an ni Ma didina.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Gat ta a hat á mbàd’id’a 3:11

(Ok amul ma Basan-na ni ma mi ar danan ad’u andjafâ hi suma Refa-nina. Azang mam ma kaweina a fumî kur Raba azì ma ngolâ hi suma Amon-nina. Fiyagam kal metred’a fid’i, bubuwam metred’a mbà mi.)