1 Sunda Hamuleinid’a 19:6 - Bible azumeina

⁶ Kid’a Hanun ki suma Amon-na a we d’ala azi mbut tchod’a avok David’u d’a, a sun kawei ma hapma tonna dok hindi á ndeï pus ma dur ayîna teteng ki suma djang akulumeina abo suma Siri suma avo Mesopotami-na, abo suma Siri suma avo Mäka-na ki suma avo Soba-na mi.

1 Sunda Hamuleinid’a 19:6 Iomraidhean Croise

Ad’u Tinda 34:30

Jakob mi de mi Simeon azi ki Levi ala: Agi b’lagan wa, agi mbud’un wa ndjendjed’a avok suma yam andaga d’a wandina, suma Kanan-na ki suma Peris-sâ. An nga ki suma ngol luo; azi mba tok taziya, a mba durunu, a mba tchan ndei ki sum meina mi.

2 Samuel 10:6

Suma Amon-na a we d’ala azi mbut tchod’a avok David’u d’a, a yo azigar suma asemba aduk suma Siri suma avo Bet-Rehop-ma ki suma Siri suma avo Soba-na 20.000, a yo suma avo hamul ma Mäka-na 1000, a yo suma avo Top-ma 12.000, a wurak beged’a kaziya.

2 Samuel 8:3

Kid’a Hadadezer Rehop amul ma Soba-na goroma mi hulong á hle leu mam mba avun alum ma Efrat-nid’a, David mi dur ayîna ki sed’emu.

1 Sunda Hamuleinid’a 18:5

Kid’a suma Siri suma Damas-sâ a mba á ndjun Hadadezer amul ma Soba-nid’a, David mi tchi sum mazina 22.000.

1 Sunda Hamuleinid’a 18:9

Tohu amul ma Hamat-na, mi hum ala: David mi kus wa azigarâ hi Hadadezer amul ma Soba-na pet!

1 Sunda Hamuleinid’a 19:5

A mba de mi David yam vama mi le kazungeî mamina. David mi sun suma á d’uguloziya, kayam sum ndazina a mang ngei heî. Mi dazi ala: Agi kagagi sä Jeriko gak dudumagi mi se tua ba, agi mbagï avo.

2 Sunda Hamuleinid’a 18:3

Ahap amul ma Israel-lâ mi djop Josafat amul ma Juda-na ala: Ang i dur ayîna ki sed’en á hleï azì ma Ramot ma kur ambas sa Galät-tina d’uo zu? Josafat mi hulong dum ala: Ang ki an ei ni tu, sum mangâ ki sum mana a ni tu mi. An nga ni i dur ayîna ki sed’engû.

2 Sunda Hamuleinid’a 18:5

Amul ma Israel-lâ mi tok mam suma djok vun Alona kikis fid’i, mi djobozi ala: Na ni ei i dur ayîna á hleï azì ma Ramot ma Galät-na, d’oze an i d’uo zu? Azi dum ala: Ang iya! Alona mba mi hang azì máma abongû.

2 Sunda Hamuleinid’a 18:9

Wani amul ma Israel-lâ kamul ma Juda-na, a nga ki baru mazi ma amula ataziya. Nge nge pî mi nga kaka yam zlam mam mba amula yam yima nding ma avun agrek ma Samari-nina, suma djok vun Alona a nga djok vuna avorozi mi.

2 Sunda Hamuleinid’a 25:6

Mi yo azigar suma gangrangâ aduk Israel-lâ 100.000 ki bege mam mba hapa go ki tonna hindi.

2 Sunda Hamuleinid’a 27:5

Mi dur ayîna kamul ma Amon-na, mi kus kamu. Suma Amon-na a hum tara kur biza ndata, kawei ma hapma tonna hindi, a hum gemena tonna 3000, kawu orsâ tonna 3000 mi. Kur biza d’a mbàd’a ki d’a hindid’a a humî hina dedege mi.

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Buzuk ka Abud’a 5:21

Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

1 Samuel 13:4

Israel-lâ pet a hum ala Saul mi tchi ma ngolâ hi azigar suma Filistê-na, mi djiu wa ayîna hi Filistê-na akulo kaziya. Ata yi máma azigar suma Israel-lâ pet a tok gen Saul avo Gilgal.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.

1 Samuel 27:12

Akis mi he hurum mi David, mi dala: Mi mbut ndjendjed’a ir simiyêm Israel-lâ; mam mba mi arî azong mana ki iram fafat.