1 Sunda Hamuleinid’a 16:3 - Bible azumeina

³ Mi b’rau tena mablaud’a hi Israel-lîd’a pet, andjofâ karopma, nge nge pî mi hum avungô ma gureina ki hliu ma sora kades guguzlu d’a sod’a mi.

1 Sunda Hamuleinid’a 16:3 Iomraidhean Croise

1 Amuleina 3:15

Ata yima Salomon mi zlit akulona, mi wala ni Ma didina ba, mi dum adïd’a. Mi hulong Jerusalem, mi tak tam avok Ma didina avok zandu’â hi Ma didina mi. Ni kua ba, mi hAlona ahle suma ngat buzu suma ngala. Bugola, mi he vama ngat buzu ma zlap darigïd’a kAlonina, mi le te ma luna mazungeî mama pet mi.

1 Sunda Hamuleinid’a 16:2

Kid’a David abom mi dap ahle suma ngat buzu suma ngala ki suma ngat buzu suma zlap darigïd’a dapa, mi b’e vunam yam suma ki simiyê Ma didina.

1 Sunda Hamuleinid’a 16:4

David mi tin suma hi Levi suma hiuna á le suna zandu’â hi Ma didinina, á tchen Ma didina Alona hi Israel-lîna, á gilemu, á suburum mi.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Sawal la kal teglesa 2:5

Agi ndjunun ki weî vud’a guguzlud’a, agi b’lengên hurun ki vud’agu poma, kayam an amangeîd’a kur od’a.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Wana ni mbaktumba hi Oze-d’a 3:1

Ma didina mi dan kua ala: Ang i veï atcha d’a banatna nga mi le kat heî d’a nga d’i le mizeunid’a, ang le kat d’igi an Ma didina nga ni le yam Israel-lâ na. Azi nga mbut irazi yam alo ma dingâ, a nga le d’od’oka yam woî guguzlu ma a hum mi fileinina, wan pî an nga ni le kaziya.

1 Pierre 4:9

Agi lagi akoina bei gureîd’a.