1 Sunda Hamuleinid’a 16:2 - Bible azumeina

² Kid’a David abom mi dap ahle suma ngat buzu suma ngala ki suma ngat buzu suma zlap darigïd’a dapa, mi b’e vunam yam suma ki simiyê Ma didina.

1 Sunda Hamuleinid’a 16:2 Iomraidhean Croise

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 47:10

Jakob mi b’e vunam yam Faron kua, mi aramu.

Ad’u Tinda 47:7

Josef mi i kabum Jakob avo hi Faron, mi tagamziya. Jakob mi ge Faron depa ki hud’a, mi b’e vunam kamu.

2 Samuel 6:18

Kid’a David abom dap he d’a hawa d’a ngala ki he d’a hawa d’a ngat buzu d’a zlap darigïd’a dapa, mi b’e vunam yam suma ki simiyê Ma didin ad’engêm kal petna.

1 Sunda Hamuleinid’a 16:1

Ata yima a tin zandu’â hAlonina kur zlub’u d’a David mi minimzi kamba tina, a hahle suma ngat buzu suma ngala ki suma ngat buzu suma zlap darigïd’a mAlona.

1 Sunda Hamuleinid’a 16:3

Mi b’rau tena mablaud’a hi Israel-lîd’a pet, andjofâ karopma, nge nge pî mi hum avungô ma gureina ki hliu ma sora kades guguzlu d’a sod’a mi.

2 Sunda Hamuleinid’a 29:29

Ata yima abozi mi dapma, amulâ ki suma a nga zlapa ki sed’ema pet a hud’o kä, a grif kä andaga a kud’or Ma didina.

2 Sunda Hamuleinid’a 30:27

Suma ngat buzuna ki suma hi Levi-na a tchola a b’e vunazi yam ablau suma; Alona mi humuzi delezi mi. Tchen mazid’a Ma didina mi humuttcha akulo ata yam ma kak ma yed’etna.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Hebre-na 7:7

Bei gigrita ba, sama b’e vunam yam ndramina, mi kal ma mam b’e vunam kama.

Josue 22:6

Ata yi máma Josue mi b’e vunam kaziya, mi tchuguziya; a i ata yazi ma kaka.