1 Sunda Hamuleinid’a 11:5 - Bible azumeina

⁵ Suma Jebus-sâ a de mi David ala: Ang mba kal ka hî d’i! Wani David mi hlazì ma ad’eng ma Siyon-na, mi arî Azì ma ngolâ hi David-na.

1 Sunda Hamuleinid’a 11:5 Iomraidhean Croise

2 Samuel 5:9

David mi ar kaka kur azì ma ad’eng ma ngungu máma, mi yum ala Azì ma ngolâ hi David-na. Mi nguyum mbei ki gulumun ma minda, tinï ad’ud’a bugol Milo dei gak krovo mi.

2 Samuel 6:10

Mi min ala zandu’â hi Ma didinina mi kal abo hatam kur aziyam ma ngolâ d’i. Mi hlumza vunam mbei avo hi Obet-Edom ma Gat-na.

2 Samuel 6:12

A mba de mamulâ David ala: Ma didina mi b’e wa vunam yam Obet-Edom ki sum mama pet, kayam zandu’â hAlonina mi nga avo hatamu. Ata yi máma David mi i hleï zandu’â hAlonina avo hi Obet-Edom dei, mi mba ki sed’em kur azì mam ma ngolâ ki furîd’a gandjau.

1 Amuleina 8:1

Ata yi máma Salomon mi yi nglo suma Israel-lâ kamuleina handjaf sumina ki nglo suma avok Israel-lîna á togï gevem avo Jerusalem á hleï zanduk ma vun ma djinda hi Ma didinina mi nga kuana ei kur Azì ma ngolâ hi David ma a yum ala Siyon-na.

1 Sunda Hamuleinid’a 11:4

David ki Israel-lâ pet, a i ngui Jerusalem mba a yat ala Jebus-sa, kayam suma Jebus suma a nga kaka yam andaga ndatina a nga kaka kat tua.

1 Sunda Hamuleinid’a 11:6

David mi dala: Sama i dur suma Jebus-sâ avok kikidjina, ni mam ba, mba mi mbut sama ngolâ á kak ngola hi azigarîd’a. Jowap Seruya gorotna mi i atazi durâ avok kikidji, mi kak ngola hi azigarîd’a.

1 Sunda Hamuleinid’a 11:7

David mi kak kur azì ma ad’eng máma. Ni kayam ndata ba, a yum ala Azì ma ngolâ hi David-na.

2 Sunda Hamuleinid’a 5:2

Ata yi máma Salomon mi yi nglo suma Israel-lâ kamuleina handjaf sumina ki suma nglo suma avok Israel-lîna á togï gevem avo Jerusalem á hleï zanduk ma vun ma djinda hi Ma didinina mi nga kuana ei kur Azì ma ngolâ hi David ma a yum ala Siyon-na.

Sawal la giled’a 122:5

Ni ka hî kuruk ba, a tin zlumiyôna á ka sariyad’a; ni suma andjafâ hi David-na a nga kaka kazina.

Sawal la giled’a 132:13

Kayam ndata, Ma didina mi man Siyon, hurum minit á kak kuru.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 48:2

Ma didina ni ma ngol ma mi ndak á giled’a kur azì mam ma ngol ma yam ahina mam mba a tinit irat vatina.

Sawal la giled’a 78:68

Wani mi man andjafâ hi Juda-na, mi man ahina d’a Siyon nda hurum vat heîd’a.

Sawal la giled’a 87:2

Mi min azì ma Siyon-na kal yima kak ma dingâ handjafâ hi Jakob-mina pet.

Sawal la giled’a 87:5

Wani yam azì ma Siyon-na, djivid’a a de kam ala: Alo ma sä akulo ma kal teglesâ, mi tinimî mam tamba, wana nambas sa gagazid’a hi nge nge pî d’a adigazid’a.

Sawal la giled’a 9:11

Ma didina, suma a wang simiyêngâ, a nga deng tazi atangû, kayam ang nga ar suma a halangâ woi d’i.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Suma ka sariyad’a 19:10

Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.