1 Samuel 9:17 - Bible azumeina

¹⁷ Wani ata yima Samuel mi we Saul-lâ, Ma didina mi dum ala: Wana ni sama an dang kama; ni ma mba mi te yam sum manina.

1 Samuel 9:17 Iomraidhean Croise

Nehemi 13:19

Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a.

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

Jeremi 32:8

Kayam ndata, Hanamel abun ma dingâ goroma mi mba geven kur atrang nga dangeina d’igi Ma didina mi de na. Mi dan ala: An nga ni tchenengû, ang gus asine man ma sä Anatot ma sä yam andagad’a hi suma Benjamin-nid’ina, kayam ang nga ki lovota á mbud’um á hlumu. Ang guzumu. Ata yi máma an wala ni zlad’a hi Ma didinid’a.

Wana ni mbaktumba hi Oze-d’a 13:11

An hagi amuleina ni kayîna; ata yima an hurun zalâ, an yogizi woi mi.

Sunda hi suma a sunuzinid’a 13:21

Bugola Israel-lâ a tchen Alona ala mi tinizi amulâ, Alona mi tinizi Saul Kis gorom ma ad’u andjafâ hi Benjamin-nina. Mi te kazi bizad’a dok fid’i.

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.

1 Samuel 9:18

Ata yi máma Saul mi hut go gen Samuel avun azina, mi djobom ala: An nga ni tchenengû, ang tagan azì ma sama wed’a mi nga kuana.