1 Samuel 8:7 - Bible azumeina

⁷ Ma didina mi de mi Samuel ala: Ang hum zlad’a hi Israel-lîd’a, ang lahlena pet suma azi dangzina. Azi noyôngî ang ngi, a noyôn ni anu. Azi min ala an tamula kazi d’uo d’a.

1 Samuel 8:7 Iomraidhean Croise

Buzuk ka Abud’a 16:8

Moise mi dazi ala: Ma didina nga mi hagi ini fladege hliuna á mutna; avin yorogo mba mi hagi avungôna á hobogiya, kayam mi hum gureî magi d’a agi guruyôgi kamba, kayam ami ni me ko ge? Gureî d’a agi nga guruyôgid’a ni ka ami d’i; agi guruyôgi ni yam Ma didina.

Isai 66:4

Wani an mba ni mba ki ndaka kazi yam sun mazi d’a ndjendje ndata, an mba ni mba kahle suma mandarâ kazi kayam an yiya, wani sa mi hulongôn nga humba d’i, an de zlad’a, wani azi humun nga d’i. A le ni sun nda tchod’a avoronu, a man ni vama an tan nga d’i lan djivid’a kam mbuo na mi.

Jeremi 34:14

Bugol dabid’a hi biza d’a kid’iziyad’a, nge nge pî adigagi ar mi ge wiyem ma Hebre ma mi gus tam mbei aboma akulo. Mi lum sunda bizad’a karagaya. Bugola, mi gum akulo woi avo hatamu. Wani abuyogi ngolo a humun nga d’i, a tin nga humazi yam zla manda d’uo mi.

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Ndumba 22:20

Alona mi mba ata Baläm andjege, mi dum ala: D’igi sum ndazina a mba hina wani, ang tchol i ki sed’eziya, wani ang le ni vama an mba ni dang kama.

Matiye 10:40

Jesus mi had’azi kua ala: Sama vagi atama, mi van ni anu; sama van atama, mi ve ni Ma sununïna mi.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Jean 13:16

Gagazi, an nga ni dagiya, azongâ nga mi kal salama ki ngola d’i. Ma a sunuma nga mi kal salam ma sunuma ki ngola d’uo mi.

Suma ka sariyad’a 8:23

Zedeyon mi hulong dazi ala: An nga ni tamula kagi d’i, gorona nga mi tamula kagi d’uo mi. Ni Ma didina ba, mba mi tamula kagiya.

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 12:1

Samuel mi de mi Israel-lâ pet ala: An lagi wa ahlena pet suma agi dan kazina. An tinigi wa amulâ kagiya.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.

1 Samuel 8:22

Ma didina mi de mi Samuel ala: Ang hum zla mazid’a, ang tinizi amulâ. Bugola, Samuel mi de mi Israel-lâ ala nge nge pî, mi hulong avo hatamu.

1 Samuel 8:8

Azi nga le ki angî d’igi a le ki an adjeu kid’a an buzuguzï woi kur ambas sa Ezipte-d’id’a na, azi aran ndei á i kud’or alo ma dingâ, azi nga le sun mazi ndata gak ini.