1 Samuel 8:6 - Bible azumeina

⁶ Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.

1 Samuel 8:6 Iomraidhean Croise

Sawal la giled’a 109:4

An nga ni le od’a kazi pî, a nga tchugun zlad’a kanu. Hina pî, an nga ni tchen yam man suma djangû ndazina.

Buzuk ka Abud’a 32:21

Moise mi de mi Aron ala: Sum ndazina a langî nana ba, ang arazi a le tcho d’a ngol ndata hina ge?

Buzuk ka Abud’a 32:32

Ki tchetchemba, an nga ni tchenengû, ang vat hurung ngei yam tcho mazid’a. Le d’uo ni, ang tchan simiyên ma ang b’irim kä kur mbaktum mangina woyo.

Wana ni mbaktumba hi Oze-d’a 13:10

Amul magi ma mi sud’ugina mi nga ni lara ge? Magi suma nglo suma avorogi suma a tagagi lovotina a nga ni lara ge? Ni agi ba, tchenen ala: Ang hami amulâ ki suma nglo suma avoromina d’uo zu?

Ndumba 16:15

Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 7:5

Samuel mi he vuna ala: Agi togogi Israel-lâ pet avo Mispa. An mba ni tchen Alona kagiya.