1 Samuel 7:14 - Bible azumeina

¹⁴ Azì ma nglo ma teteng ma suma Filistê-na a yom abo Israel-lâ adjeuna, Israel-lâ a hulong a yomu. Tinï ad’ud’a Ekron dei gak mba Gat, Israel-lâ a yo ambas sa suma Filistê-na a te kata pet. Kur atchogoi ndata, b’leng nga halasa mba aduk Israel-lâ ki suma Amor-râ mi.

1 Samuel 7:14 Iomraidhean Croise

1 Sunda Hamuleinid’a 18:1

Bugol ahle ndazina, wana nahle suma a lena: David mi dur ayîna ki suma Filistê-na, mi kus kaziya, mi hulongôzi yazi kä ad’umu, mi hlazì ma Gat-na kazì ma nguyuma aboziya.

Sawal la giled’a 106:34

Andjaf suma Ma didina mi dazi zlad’a kazina azi tchazi nga woi d’i,

Ndumba 13:29

Suma Amale’â a kak nga abo ma sutna, suma Het-na ki suma Jebus-sâ ki suma Amor-râ a nga kaka yam ahuniyôna, suma Kanan-na a nga kaka go kalum ma ngolâ avun alum ma Jurdê-na mi.

Gat ta a hat á mbàd’id’a 7:16

Agi mba dabagi suma pet suma Ma didina Alo magina mba mi hagizi abogina bei wazi hohowozi ba. Agi kud’urogi alo mazina d’i, kayam ni mam ba, mba mi mbut dau ma vagina.

Gat ta a hat á mbàd’id’a 7:2

Fata Ma didina Alo magina mba mi hagizi abogi agi duruzi dabazi woid’a, agi djinigi vunagi ki sed’ezi á wazi hohowozi d’i.

Josue 10:5

Amulei suma Amor suma vahl ndazina a ndjak vunazi tu, nala, ma Jerusalem-ma, ma Hebron-na, ma Jarmut-na, ma Lakis-sâ ki ma Eglon-na mi. A i ki azigar mazina pet, a ngui Gabawon, a ndazi durâ.

Josue 15:11

Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.

Suma ka sariyad’a 4:17

Sisera mi ring kasem kur zlub’ud’a hi Jayel atchad’a hi Heber ma ad’u andjafâ hi Ken-nina, kayam b’leng nga halasa nga aduk Jabin amul ma Hasor-râ ki suma hi Heber ma ad’u andjafâ hi Ken-nina.