1 Samuel 6:5 - Bible azumeina

⁵ Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.

1 Samuel 6:5 Iomraidhean Croise

1 Sunda Hamuleinid’a 16:28

Agi andjaf suma, agi suburugi Ma didina, agi dagi woi yam subur mamba kad’eng mamba mi.

1 Sunda Hamuleinid’a 16:29

Agi suburugi simiyê Ma didina, agi mbeyegï ki he d’a hawa magid’a avoromu. Agi grivigi kä avok Ma didina kahle magi suma djifâ atagiya.

Sawal la giled’a 18:44

Ang prud’un ndei abo suma a tchol huneîd’a ki sed’ena, ang tinin yam andjaf suma; andjaf suma an wazi nga d’uo na a lan sunda.

Sawal la giled’a 32:4

Andjege ki faleya ang nga gad’anu, ad’engên dap pei d’igi afat ta awalid’a ti so mbina woi na. Tchol ndjö

Sawal la giled’a 39:10

An kak mudjuk bei mal vunan ba, kayam ni ang ba, mban ahle ndazina kanu.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 8:17

Le ang ar nga sum mana á id’a d’uo ni, an mba ni tchuk azlipma atang kazungeî mangâ ki sum mangâ hur aziyangû. Hur azina hi Ezipte-na mba mi oî kazlipma yam andaga d’a azi nga kuad’a mi.

Buzuk ka Abud’a 8:24

Faron mi dum ala: Djiviya! An aragiya, agi i hagi ahle suma ngat buzuna mi Ma didina Alo magina nabagei hur fulâ go. Wani agi igi dei d’uo, agi tchenegi kan mi.

Buzuk ka Abud’a 8:5

Moise mi de mi Faron ala: Sama ngolâ, ang ngan burâ, ni mindja ba, an tchen Ma didina kayam ang kazungeî mangâ ki sum mangâ tala greneûna mi buzuk kei avo hatang avo hi sum mangâ d’a ge? Mba mi arî kur alum ma Nil-lâ hol.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 42:12

Ar suma a nga kaka yam tilina a gile Ma didina, a de woi yam subur mamba mi.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Ndumba 33:4

Ezipte-na a nga tos suma a vut avo’â pet suma Ma didina mi tchazi adigazina; Ma didina mi ka sariyad’a yam alo mazina mi.

Jean 9:24

Kayam ndata, Fariziyêna a hulong yi ma duka adjeuna yazi á mbàd’a, a dum ala: Ang de ni zla d’a gagazid’a avok Alona. Ami wami sa máma ni sama tchona.

Josue 7:19

Josue mi de mi Akan ala: Gorona, ang subur Ma didina Alona hi Israel-lîna, ang hum ngola, ang dan ndei yam vama ang luma, ang ngeyen va d’i.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 14:7

Mi de ki delem akulo ala: Ar agi lagi mandara Alona, ar agi suburum mi, kayam yi mam ma ka sariyad’a yam suma mba wa, agi kud’urogi mam ma lakulod’a kandagad’a kalum ma ngolâ ki mbiyo ma laud’a mi na.

Vama ndum mbeina 16:9

Suma a ngal lei abo huwaka haku ndata. Azi ngul simiyê Alo ma nga kad’enga yam tugud’ei d’a tcho ndatina, azi mbut nga huruzi yam tcho mazid’a á subur Alona d’i.

1 Samuel 5:11

A sun a yï amulei suma Filistê-na, a dazi ala: Agi sunugi zandu’â hAlona hi Israel-lîna yam ambas mamba; ar mi tchï woi ki sum meina d’i. Kayam Ma didina tamba nga mi ngoboziya, a nga tcha tata á matna hur azina.

1 Samuel 5:9

Wani kid’a azi mbaza ki zandu’â avo d’a, Ma didina mi ngop suma avo hur azinina, gugureina ki suma nglona, mi tumuzi ki tugud’ei d’a a yat ala emorota; azi nde tcha tata.

1 Samuel 6:8

Agi hlagi zandu’â hi Ma didinina, agi tinim kur pusâ, agi yogi lor ra agi hat he d’a hawad’a mAlona yam zla d’a vagid’id’a, agi tchugut kur zanduk ka gora gen zandu’â mi. Bugola, agi aragi pusâ mi iya.