1 Samuel 6:4 - Bible azumeina

⁴ Wani suma Filistê-na a djobozi ala: He d’a hawa d’a ami hamizi yam zla d’a vamid’a ni me ge? Azi hulong dazi ala: Agi hat ni ngad’a yam ndumba hamulei suma Filistê-nid’a, agi hum lora vahl hle tat d’igi tugud’ei d’a a yat ala emorota na, agi hum kulom mba lora vahl mi, kayam ni tugud’ei d’a tu ndata ba, ti vagi agi kamulei magina wan petna.

1 Samuel 6:4 Iomraidhean Croise

Buzuk ka Abud’a 12:35

Israel-lâ a lahle suma Moise mi dazi kazina, a tchen Ezipte-na ahle suma a lazi ki kawei ma hapmina kahle suma a lazi ki lorina ki baruna mi.

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.

Suma ka sariyad’a 14:19

Muzu’â hi Ma didinina mi mba kak kamu. Mi i Askalon, mi tchi suma dok hindi, mi yoï baru mazi ma lü vun tilâ, mi mba mi hum mi suma a vum ad’u zla d’a d’ogola woina. Hurum zal ngola, mi hulong avo habumu.

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.

1 Samuel 5:12

Suma a bo nga d’uo na, tugud’ei d’a a yat ala emorota ti vaziya; tchi mazi ma hohoud’a mi i gak akulo hur alona.

1 Samuel 5:6

Wani Ma didina mi ngop suma Asdot-na gak a zlak ki mandarâ. Nga mi tumuzi ki tugud’ei d’a a yat ala emorota kazì ma nguyuzina pet.

1 Samuel 5:9

Wani kid’a azi mbaza ki zandu’â avo d’a, Ma didina mi ngop suma avo hur azinina, gugureina ki suma nglona, mi tumuzi ki tugud’ei d’a a yat ala emorota; azi nde tcha tata.

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.

1 Samuel 6:8

Agi hlagi zandu’â hi Ma didinina, agi tinim kur pusâ, agi yogi lor ra agi hat he d’a hawad’a mAlona yam zla d’a vagid’id’a, agi tchugut kur zanduk ka gora gen zandu’â mi. Bugola, agi aragi pusâ mi iya.