1 Samuel 5:12 - Bible azumeina

¹² Suma a bo nga d’uo na, tugud’ei d’a a yat ala emorota ti vaziya; tchi mazi ma hohoud’a mi i gak akulo hur alona.

1 Samuel 5:12 Iomraidhean Croise

1 Amuleina 19:17

Suma a mba prut tei avun ayîna hi Hazayel-lâ, Jehu mba mi tchaziya; suma a prut tei avun ayîna hi Jehu-na, Elise mba mi tchazi mi.

Buzuk ka Abud’a 12:30

Kur andjege ndata, Faron kazungeî mama ki Ezipte-na pet a tchola, a wet tchina gandjau kur Ezipte, kayam hur azì ma bei fe matna kuana tu pî nga d’i.

Jeremi 14:2

Suma Juda-na a nga kur yor tad’a, azì mazi ma nglona mi b’lak keyo, a tchuk susub’ok, a nga bululul kä andaga. Tchina hi suma Jerusalem-ma mi tchol nga mi i akulo.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 48:3

Wulula nga d’i tchi kur Horonayim. A b’lagat wa, a b’lagat ni b’lak ka ngol la kal teglesa.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

1 Samuel 6:1

Zandu’â hi Ma didinina mi le tilâ kid’iziya yam ambas sa Filistê-d’a.

1 Samuel 9:16

Avin aboina hina dedege, ang mba ngaf ki sama Benjamin-na. Ang vom mbulâ kam á tinim amula yam man suma Israel-lâ, kayam mi pad’azi woi abo suma Filistê-na. Kayam sum mana a yan ala an ndjunuziya, an we ndak mazid’a mi.