1 Samuel 4:19 - Bible azumeina

¹⁹ Eli akunomba, atchad’a hi Fines-sa, ti nga ki wirâ, ti ar go á vuta. Kid’a ti hum ala Filistê-na a hle wa zandu’â hAlonina, akunotna mi mid’a, ndjuvut mi mit mi d’a, ata yi máma na wat ti grif kä, kayam vuta nga d’i lad’u, ti vud’a.

1 Samuel 4:19 Iomraidhean Croise

Ad’u Tinda 3:16

Bugola, mi de matchad’a ala: An mba ni hak ndak ka ngola ki wirâ; ndak mba d’i vut grona ni ki ndaka; hina pet pî, min maka mba d’i tchol nata ndjuvugu, mam mba mi te kak mi.

Ad’u Tinda 35:17

Wani ata yima vuta nga d’i lat heîna, atcha d’a vud’aropma, ti dat ala: Ndak le mandar ri, ndak vut ni gor mandjufâ d’ei.

1 Amuleina 14:1

Kur atchogoi ndata Abiya Jerobowam goroma, mi ve tugud’eid’a.

Sawal la giled’a 78:64

Mam suma ngat buzuna a tchazi avun ayîna ki mbigeu d’a fiyaka, arop mazi suma modonod’a a fe nga lovota á tchi horâ d’i.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

1 Samuel 4:18

Ata yima sa máma mi yi simiyê zandu’â hAlonina, ata yi máma na wat, Eli mi nga kaka yam zlamba, mi puk kazigam kä avun gong nga kud’ora; mogunom pad’a, mi mid’a, kayam mi naneka, bizam kal ngolâ heî mi. Mi kak ma ngolâ yam Israel-lâ bizad’a dok fid’i.

1 Samuel 4:20

Ata yima ti ar go á matnina, arop suma nga gevetna a dat ala: Ndak le mandar ri, ndak vut wa gor mandjufâ da’. Wani ndat dazi nga zla d’i, ti min nga zla mazid’a d’uo ko.