1 Samuel 31:4 - Bible azumeina

⁴ Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

1 Samuel 31:4 Iomraidhean Croise

2 Samuel 1:1

David mi durï suma Amale’â, mi hulongî avo, mi le burâ Siklak mbà, mi hum ala a tchi wa Saul.

2 Samuel 1:14

David mi djobom ala: Ni kayam me ba, ang le nga mandarâ d’uo ba, ang tchi ma Ma didina mi manam mi tinim amulina ge?

2 Samuel 1:20

Ar agi dagi zla ndata woi kur azì ma ngol ma Gat-na d’i, ar agi tchat walat tei ir palum mba Askalon-nda, tala arop suma Filistê-na a furîya d’a d’i, d’oze arop suma hi suma bei ngat bayâd’ina a ayâd’a d’uo mi.

2 Samuel 1:6

Gor azong máma mi hulong dum ala: An fe Saul nga yam ahina d’a Gilbowa-d’a, mi ge nga tam avun asap mamba. Gol wani, pus ma dur ayîna teteng ki suma djang akulumeina a ar go a tewemu.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

2 Samuel 21:12

David mi i yoï asoga Saul kasoga goroma Jonatan abo suma Jabes sa Galät-tina. Ni Jabes suma a kuluzï Bet-San ata yima Filistê-na a b’alazi kua kur bur ma Filistê-na a tchi Saul sä Gilbowa-na.

1 Amuleina 16:18

Ata yima Zimri mi wala azigarâ a hle wa azina da na, mi kal kur azì ma amula, mi do akud’a kamu, mi ngal tam mbeyo.

1 Amuleina 16:27

Sunda hi Omri d’a ara kahle suma mi lazina kad’eng mam mba dur ayîna, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

1 Sunda Hamuleinid’a 10:4

Ata yi máma Saul mi de mi sama mi zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

Suma ka sariyad’a 14:3

Abum azi kasum a dum ala: Na ni gro aropma a nga aduk b’oziyongâ grozina d’oze aduk sum meina ka hî d’uo ba, ang i veï atchad’a aduk suma Filistê suma bei ngat bayâd’a zu? Samson mi de mabum ala: Ang vandjiya, kayam ti nde iran heî!

Suma ka sariyad’a 9:54

Ata yi máma na wat, mi yi gor azong ma nga mi zi ahle mam suma sinina, mi dum ala: Ang pat mbigeu mang nga fiyaka, ang tchanu! Ar a davin kan ala atchad’a ba, ti tchanu d’i. Gor azong mama mi tchogom mi tchumu.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

1 Samuel 26:10

Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.

1 Samuel 31:5

Kid’a sama zim ahle mam suma sïnina mi wum mi mit dad’a, mi ge tam avun mbigeu mam mba fiyaka, mi mit ki sed’em mi.