1 Samuel 31:1 - Bible azumeina

¹ Ata yi máma suma Filistê-na a dur ayîna ki Israel-lâ. Israel-lâ a ring avoroziya; suma a fe dakina a puk kä, a bo yam ahina d’a Gilbowa-d’a.

1 Samuel 31:1 Iomraidhean Croise

2 Samuel 1:21

Agi ahuniyô suma Gilbowa-na, ar mbad’ïd’a ti ge kagi d’oze mbiyo alona mi se kagi d’oze ar asine ma kagina mi wul awuna á he he d’a hawad’a d’uo mi, kayam ni kagi ba, mboriyona hi suma gangrangîna a tchuk kä, mbareid’a hi Saul-la ti nde kä ki irat fafat.

2 Samuel 1:6

Gor azong máma mi hulong dum ala: An fe Saul nga yam ahina d’a Gilbowa-d’a, mi ge nga tam avun asap mamba. Gol wani, pus ma dur ayîna teteng ki suma djang akulumeina a ar go a tewemu.

2 Samuel 4:4

Jonatan Saul goroma goroma nga, a yum ala Mefibäl. Kid’a a hum zla matna hi Saul azi ki Jonatan-na avo Jisreyel-lâ, bizamî vahl. Atcha d’a hum tenid’a, ti hlum á ring ki sed’emu. Ata yima nga d’i b’at tat á ringîna, mi nde kä abod’u, mi mbut gugutud’a.

1 Samuel 12:25

Wani le agi nga lagi tchod’a ni, agi mba b’lagagi woi kamul magina.

1 Samuel 28:1

Kur atchogoi ndata, suma Filistê-na a tok azigar mazina á i dur ayîna ki Israel-lâ. Akis mi de mi David ala: Ang we woi tetet ala ang ki sum mangâ agi mba mbud’ugi ni azigar mana.

1 Samuel 28:15

Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.

1 Samuel 28:19

Ma didina mba mi hang ang ki sum mangâ abo suma Filistê-na. Ang ki grongâ agi mba fan an ka hî avin kur yima azuleina. Mba mi hang ki azigar mangâ abo suma Filistê-na.

1 Samuel 28:4

Filistê-na a tok tazi a mba vanguvora avo Sunem. Saul mi tok Israel-lâ pet a mba vanguvora avo Gilbowa.

1 Samuel 29:1

Suma Filistê-na a tok azigar mazina pet avo Afek. Israel-lâ a ve kang mazina go ki mbiyo ma lau ma Jisreyel-lâ.