1 Samuel 3:19 - Bible azumeina

¹⁹ Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.

1 Samuel 3:19 Iomraidhean Croise

Ad’u Tinda 21:22

Kur atchogoi ndata, Abimelek ki Pikol ma ngolâ hi azigar mamina a mba gen Abraham, a dum ala: Ahle suma ang nga lazina pet, Alona mi nga ki sed’engû.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

1 Amuleina 8:56

An le mersi mi Ma didina Alona ma he yima tuk tad’a mi mam suma Israel-lâ d’igi mam djin vunam avok dei na na. Kayam ndata, mi nda’î vun vun ma djin ma djivi ma mam djinim kazong mama Moise-sâ pet.

2 Amuleina 10:10

Agi wagiya, zla d’a Ma didina mi dat yam suma hi Ahap-mid’a nga d’i dap pei hawa d’i. Ma didina mi nda’î vun zla d’a mam dat avun mam ma djok vuna Elie-d’a.

2 Amuleina 15:12

Zla ndata le hina á ndak vun zla d’a Ma didina mi dat mi Jehu ala: Andjavang mba mi kak yam zlam mba amula aduk Israel-lâ gak kur atchogoi d’a fid’id’a d’a.

2 Amuleina 22:16

Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi zla d’a amul ma Juda-na mi ndumut kur mbaktumbid’a na.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Wana ni Zla d’a Djivi d’a Luc mi b’irita 1:28

Malaikana mi kal gevet mi dat ala: An gak depa. Alona mi vak wa sumad’a, Salad’a mi nga ki sed’egu.

Wana ni Zla d’a Djivi d’a Luc mi b’irita 1:80

Gor máma nga mi wula, nga mi sira kur muzugamu, mi i kak hur fulâ gak bur ma mi tak tam mbei avok Israel-lîna.

Wana ni Zla d’a Djivi d’a Luc mi b’irita 2:40

Gor máma nga mi wula, nga mi sira, mi mbut sama ned’a heîna, sumad’a hAlonid’a nga ki sed’em mi.

Wana ni Zla d’a Djivi d’a Luc mi b’irita 2:52

Jesus nga mi wula, mi mbut sama ned’a, nga mi lAlona tam djivid’a, nga mi le suma tazi djivid’a mi.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Gat ta a hat á mbàd’id’a 18:22

Le ma djok vuna mi de zlad’a ki simiyê Ma didina ala: Zlad’a mba le hina, le zla ndata ti le nga hina d’uo ni, zla ndata ti tcholï nga nata Ma didina d’i. Ma djok vun máma mi de ni zla mam mba ki yamba. Agi lum mandaram mbi.

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.

Suma ka sariyad’a 13:24

Atchad’a hi Manowa-d’a ti vut gor mandjufâ, a yum ala Samson. Mi djengâ, Ma didina mi b’e vunam kamu.

1 Samuel 10:7

Ata yima ang mba wahle suma simat ndazina hina petna, ang le vama hurung minima, kayam ang wala gagazi, Alona mi nga ki sed’engû.

1 Samuel 12:2

Ki tchetchemba, wana namul ma mi tit avorogina: Le ni anu ni, an mbut wa mamara, abusa deî wa kan mi. Grona a mbut wa suma d’igi agi na mi. An tit avorogi kazongôn dei gak ini.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 18:12

Saul nga mi le mandara David, kayam Ma didina mi nga ki sed’emu, wani mi wal lei ki mamu.

1 Samuel 18:14

David sun mam mba nga mi lata nga d’i labom djivid’a, Ma didina mi nga ki sed’em mi.

1 Samuel 18:5

Ata yima lara ge pet ma Saul nga mi sun David kuana, nga mi le sun mamba djivid’a. Ni hina ba, Saul mi tinim ngola yam suma dur ayîna; suma pet kazungeîna hi Saul-lâ, tazi nga d’i lazi djivid’a kam mi.

1 Samuel 2:21

Ma didina mi djib’er yam Anne, ti vut gro andjofâ kua hindi, gro aropma mbà mi. Wani Samuel nga mi wul avok Ma didina.

1 Samuel 2:26

Wani Samuel nga mi wula, nga mi le Ma didina tam djivid’a, nga mi le suma tazi djivid’a mi.

1 Samuel 9:6

Azong máma mi hulong dum ala: Ang djuba! An we kur azì ma avorei wana sama djok vun Alona nga kua, ni sama zlam nde yina heîna; ahlena pet suma mam nga mi dazina, a nga le ata yazi hina mi. Ki tchetchemba, ei i goleiziya. Dam mba mi tagei lovot ta ei mba hleizid’a.