1 Samuel 28:15 - Bible azumeina

¹⁵ Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.

1 Samuel 28:15 Iomraidhean Croise

Sawal la giled’a 51:11

Ang hle irang ngei yam tcho manda, ang has tchila manda woi mi.

Zla d’a d’ogolâ 14:14

Sama bateina mba mi fe ndaka yam sun mamba, wani sama djivina mba mi hop kahle suma avo hatama mi.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Suma ka sariyad’a 16:20

Ti dum ala: Samson, golï Filistê-na kang nga! Mi zlit akulo, mi dala: An nga ni nde woi d’igi avok deid’a na, an nga ni prut tan ndeyo. Wani mi we nga d’ala Ma didina mi wal lei ki sed’emu d’a d’i.

1 Samuel 18:12

Saul nga mi le mandara David, kayam Ma didina mi nga ki sed’emu, wani mi wal lei ki mamu.

1 Samuel 23:2

David mi djop Ma didina ala: An i ni dur suma Filistê ndazina zu? Ma didina mi hulong dum ala: Ang i duruziya. Ang mba sut suma Keila-na woyo.

1 Samuel 23:4

David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.

1 Samuel 28:11

Atcha ndata ti dum ala: Ang min ala an ndangî ni nge akulo ge? Mi hulong dat ala: Ndak ndanï ni Samuel ba akulo.

1 Samuel 28:16

Samuel mi dum ala: Ni kayam me ba, ang djobon nge? Ni kayamba Ma didina mi wal lei ki sed’eng mi mbut ma djangû mangîd’a zu?

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

1 Samuel 28:8

Ata yi máma Saul mi mbut tam mi tchuk baru ma dingâ atamu, mi i ki suma ad’um mbà, mi mbaza andjege avo hatcha ndata, mi dat ala: Ndak djobon sama azulâ, ndak ndanï sama an mba ni dak ini kama woi akulo.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.