1 Samuel 26:19 - Bible azumeina

¹⁹ Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na.

1 Samuel 26:19 Iomraidhean Croise

Ad’u Tinda 44:18

Juda mi hut gevemu, mi dum ala: Salana, ang aran an azong mangâ ni dang zlad’a nde. Angî d’igi Faron na, ar hurung zal kan an azong mangâ d’i.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

2 Samuel 14:16

Gagazi, ang amulâ mba hum zlad’a hi an wei mangid’a, ang mba prud’un ndei abo sama nga mi halan an á tchid’a ki gorona woi aduk suma Alona mi manazina.

2 Samuel 16:10

Amulâ mi hulong de mi Abisai ala: Agi Seruya grotna vama ndologi ki an ni me ge? Le mi ngulunu, le Ma didina mi dumî mam ala mi ngulunu ni, ni nge mba mi dum ala: Ni kayam me ba, ang le hina ge ge?

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

2 Samuel 20:19

Azì ma ngol mamina nazì ma halas ma d’engzeng ma kalâ aduk azì ma Israel-lâ, wani ang nga hal á b’lak abu azì ma ngol máma woyo. Ni kayam me ba, ang nga hal á b’lak azina hi Ma didina máma woi ge?

2 Samuel 21:3

David mi de mi suma Gabawon-na ala: An lagi ni me ba, agi mba vad’agi hurugi woi á b’agi vunagi woi yam suma hi Ma didinina ge?

2 Samuel 24:1

Ma didina hurum zal zal la dinga ata Israel-lâ, mi zut David mi kak djangûna ki sed’eziya, mi dum ala: Ang i ndum Israel-lâ ki Juda-na.

1 Amuleina 22:22

Mi dum ala: An i ni de zla d’a kad’a avun suma djok vuna hamulîna pet. Ma didina mi dum ala: Ang i lobomu, ang i le hina!

1 Sunda Hamuleinid’a 21:1

Bur tu Seitan mi tchol djangûna ki Israel-lâ, mi zut David á ndumuziya.

Sawal la giled’a 120:5

Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

Sawal la giled’a 20:4

Ar mi djib’er yam he d’a hawa manga pet, ar mi ve vama ngat buzu ma ngala abong mi. Tchol ndjö

Zla d’a d’ogolâ 30:10

Ar ang de zla d’a tchod’a yam azongâ kä gen salama ba, mi tchugung zlad’a kang ba, ang wurak yam tcho manga d’i.

Isai 60:5

Ndak mba d’i we, hina wani, tak mba d’i lak djivid’a, huruk mba mi oî ki furîd’a, tak mba d’i lak djivid’a mi. Kayam ndjondjoî d’a kur alum ma ngolîd’a mba d’i mba avo hatagu, ndjondjoîd’a handjaf sumid’a mba d’i mba avo hatak mi.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Ndumba 36:7

Ar djona hi Israel-lîna mi kal kur ndram mbi. Ar Israel ma lara pî mi ve tam ad’enga yam djona habuyoma.

Ndumba 36:9

Ar djona handjaf ma ding kal kur andjaf ma ding ngi, ar Israel-lâ nge nge pî mi ve tam ad’enga yam djo mama.

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Galat-na 5:12

An min ala suma a b’lagagi djib’er magid’ina, a ngat hud’uzi woyo!

Gat ta a hat á mbàd’id’a 13:3

agi humugi zlad’a hi ma djok vun máma d’oze zlad’a hi ma vana nde tam mbei iram máma d’i. Kayam ni Ma didina Alo magina ba, mi kugugi ni mam á we na ni agi nga lagi ni kam ki hur ma tuna ki tagi pet ko zu ge d’a.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

1 Samuel 18:10

Tcha ndjivinda, muzuk ma tcho ma tcholï ata Alonina mi ve Saul, nga mi tcha tata kur gonga. David nga mi bu adingâ d’igi nga mi bum adjeu na. Saul mi nga kasapa abomu.

1 Samuel 24:9

Bugol ndjö David mi nde woi kur zul ahina ndata, mi nde yi Saul ki delem akulo ala: Salana amul mana! Saul mi mbut iram blogomu; David mi tchok yam kä andaga, mi grif kä.

1 Samuel 25:24

Ti ge tat kä asemu, ti dum ala: Salana, tchod’a ni manda. Ang aran an wei manga ni dang zlad’a, ang hum zlad’a hi an wei mangid’a.

1 Samuel 27:1

David mi de kurum ala: Bur tu Saul mba mi tchanu. Vama djivi nga kan ka hî d’i; hotei an i yam ambas sa Filistê-d’a á sut tanu. Hina wani, Saul mba mi aran bei hala yam ambas sa Israel-la. Hina wani, an mba ni sut tei abomu.