1 Samuel 26:11 - Bible azumeina

¹¹ Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.

1 Samuel 26:11 Iomraidhean Croise

2 Samuel 1:14

David mi djobom ala: Ni kayam me ba, ang le nga mandarâ d’uo ba, ang tchi ma Ma didina mi manam mi tinim amulina ge?

2 Samuel 19:22

Wani David mi de mi Seruya grotna ala: Vama ndologi ki an ni me tala agi mbud’ugi man suma djangûna d’a ge? Kur bur ma inina sana ndak á tchi sana aduk Israel-lâ zu? An we ini ala ni an ba ni tamula yam Israel-lâ d’uo zu?

Sawal la giled’a 17:4

Kayam zla d’a ndeï avunanga, an wal tan ndei ki suma asa’atna yam sun nda azi nga lata.

Romê-na 12:17

Le sana mi lagi tchod’a ni, agi hulong lum tchod’a d’i. Ar agi halagi á lahle suma djivina avok suma pet.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

1 Samuel 12:3

Gola! An nga tchola avorogi avok Ma didina kamul ma mam manama wana. Agi dagi woi yam vama tcho ma an lagizina; an vamuhl hi sa d’oze koro hi sa zu? An mbut ir sa zu? An le vama tcho mi sa zu? An ve he d’a hawad’a gumun á duk iran ndei yam zla hi sa zu? Le nga ni, an hulongôgiziya.

1 Samuel 24:12

Abunu, ang gol vun baru mang nga ngola abon wana! Kid’a an ngat vun baru manga an tchang nga d’uo d’a, ang wala an nga ki zla ki sed’eng ngi, d’oze tcho nga kurun ki sed’eng ngi, an le nga tcho avorong nguo mi. Wani ang nga burun kä á tchid’a.

1 Samuel 24:4

Mi mbaza avun kangâna hi tumiyôna ma nga go avun lovotina. Zul ahinad’a nga kua, mi kal kua á ö bageid’a. Wani David ki sum mama a nga kaka sä azud’u.

1 Samuel 24:6

Bugola, David hurum vum ki zla d’a yam ngat ta mi ngat vun baru d’a ngola hi Saul-lid’a.