1 Samuel 26:10 - Bible azumeina

¹⁰ Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.

1 Samuel 26:10 Iomraidhean Croise

Ad’u Tinda 47:29

Kid’a Israel mi ar go á matnid’a, mi yi goroma Josef, mi dum ala: Le ang hurung vanu ni, an nga ni tchenengû, ang kal abong ad’u ab’alan kä, ang le djivid’a ki sed’en ki d’engzenga, ang tozon ka hî Ezipte d’i.

Wana ni mbaktumba hi Job-pa 14:14

ladjï sana mi mit mi hulong mi kak karid’a ni, an mba ni djup bur man ma sunda gak bur ma ang mba á hulongôn blangânina!

Wana ni mbaktumba hi Job-pa 14:5

Le ang ngam burumu, le ang ndum til mama, le ang ngam yima ndak á tchila woi kam mbuo na ni,

Wana ni mbaktumba hi Job-pa 7:1

Job mi de kua ala: Kaka hi sana d’a yam andagad’id’a ni d’igi kaka hi azigarîd’a na d’uo zu? Burumî d’igi sama le sunda yam beged’ina na mi d’uo zu?

Sawal la giled’a 37:10

Ar ndjö ang mba fe sama asa’atna d’i, ang mba hal yima mam kuana, ang mba fum mbi.

Sawal la giled’a 37:13

Wani Salad’a nga mi san ad’umu, kayam mam we bur mam ma dabid’a nga mi mba.

Sawal la giled’a 94:23

Mam mba mi hulongôzi tcho mazid’a kaziya, mam mba mi b’lagazi woi yam zla mazi d’a asa’at ta azi lata. Ma didina Alo meina mba mi dabazi woi ki irazi fafat.

Ma tchi wala 3:2

Yima vuta mi nga, yima matna mi nga mi; yima ped’a mi nga, yima a pat vama a puma woina mi nga mi;

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Gat ta a hat á mbàd’id’a 31:14

Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a. Moise azi ki Josue djak a i tchol kur zlub’u d’a ngaf tad’a.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

Hebre-na 10:30

Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Vama ndum mbeina 18:8

Kayam ndata, tugud’ei d’a tcho d’a a nga ngomota, mba d’i tumut bur tu. Tugud’eid’a, yor tad’a ki baktarad’a, a mba ngalat tei kakud’a, kayam Salad’a Alo ma ad’engêm kal petna mi kat sariyad’a kat da’.

1 Samuel 24:12

Abunu, ang gol vun baru mang nga ngola abon wana! Kid’a an ngat vun baru manga an tchang nga d’uo d’a, ang wala an nga ki zla ki sed’eng ngi, d’oze tcho nga kurun ki sed’eng ngi, an le nga tcho avorong nguo mi. Wani ang nga burun kä á tchid’a.

1 Samuel 24:15

Ni nge ba, ang amul ma Israel-lâ i atam á durâ ge? Adi ma matna d’oze b’ab’a’â zu?

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

1 Samuel 25:38

A le burâ go ki dogo Ma didina mi tum Nabal, mi mid’a.

1 Samuel 25:39

Kid’a David mi hum ala Nabal mi mid’a wa d’a, mi dala: An le mersi mi Ma didin ma mi hlan atchugulun ata yima Nabal mi nguluna; ni Ma mi d’elen á le tchod’ina! Ma didina mi hulong wa tchod’a hi Nabal-la kamu. Ata yi máma David mi sun sumala a djobï Abigayel mam vat atchad’a.

1 Samuel 31:4

Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

1 Samuel 31:6

Ni kur bur ma tu máma ba, Saul azi ki grom suma hindina ki sama mi zim ahle mam suma sïnina ki azigar mama pet a bo kua.