1 Samuel 23:6 - Bible azumeina

⁶ Kid’a Abiyatar Ahimelek goroma, mi tchol ringâ, mi fe David avo Keila-d’a, mi mba ki baru d’a efod’a abomu.

1 Samuel 23:6 Iomraidhean Croise

1 Amuleina 2:26

Bugola, amulâ Salomon mi de mi ma ngat buzuna Abiyatar ala: Ang i Anatot yam andaga manga, kayam me ang ndak á tchid’a, wani an min tchang ini d’i. Ni kayam me adjeu kur atchogoid’a habun David-ta, ang zi zandu’â hi Salad’a Ma didinina, ang fe ndaka zlapa kabun mi.

Buzuk ka Abud’a 28:6

Ma didina mi de kua ala: Sama d’alâ mi tchil baru d’a efod’a ni ki lora gizeîd’a ki baru d’a par ra botlozid’a ki d’a hleu d’a sisila ki d’a hleu d’a kekenga ki d’a luluî d’a lalavata mi.

1 Samuel 14:18

Saul mi de mi ma ngat buzuna Ahiya ala mi hleï zandu’â hAlonina ka hî. Mi de na ni kayam me kur bur máma zandu’â hAlonina mi nga tinda kur kangâ hi Israel-lîna.

1 Samuel 14:3

Ma ngat buzu ma nga ata yi mámina ni Ahiya Ahitup goroma, mi nga ki baru d’a efod’a atamu. Mam mi Fines gorom ngolona. Ni Eli ma ngat buzu ma nga avo Silo adjeuna gorom ngolo ma mbàna. Ikabot ni Ahiya abum wiyema. Wani aduk azigarâ sa we nga ala Jonatan mi iya d’i.

1 Samuel 22:20

Sama dingâ tu simiyêm ala Abiyatar ni Ahimelek gorom ma Ahitup gorom ngolonina, mi sud’a, mi ring mi i bugol David.

1 Samuel 23:2

David mi djop Ma didina ala: An i ni dur suma Filistê ndazina zu? Ma didina mi hulong dum ala: Ang i duruziya. Ang mba sut suma Keila-na woyo.

1 Samuel 23:5

David mi i ki sum mama Keila, mi nde Filistê-na durâ, mi yoï d’uwar mazina, mi kus ayî ma ngolâ kaziya. Ni hina ba, David mi sut suma Keila-na woyo.

1 Samuel 23:7

A mba de mi Saul ala: David mi mba nga avo Keila. Ata yi máma Saul mi dala: Alona mi handjï wa abonu, kayam mam mba wa mi ngei wa tam kur azì ma ngol ma vunam duka ki kaweinina.

1 Samuel 23:9

David mi wala Saul mi nga hurum kam á lum tchod’a. Mi de mi Abiyatar ma ngat buzuna ala: Ang i yoï baru d’a efod’a.

1 Samuel 30:7

David mi de mi ma ngat buzuna Abiyatar Ahimelek goroma ala: Ang yonï baru d’a efod’a. Abiyatar mi yomzïya.