1 Samuel 23:4 - Bible azumeina

⁴ David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.

1 Samuel 23:4 Iomraidhean Croise

2 Samuel 2:1

Bugol ahle ndazina, David mi djop Ma didina ala: An i kur azì ma ngol ma Juda ma ding tu zu? Ma didina mi hulong dum ala: Ang iya! David mi djobom ala: An i ni lara ge? Ma didina mi hulong dum ala: Ang i Hebron.

2 Samuel 5:19

David mi djop Ma didina ala: An i dur ayîna ki suma Filistê-na zu? Ang mba handji abon ndju? Ma didina mi de mi David ala: Ang iya! An mba ni hangzi abongû.

2 Amuleina 3:18

Wani Elise mi dazi kua ala: Ni vama akid’eina ir Ma didina. Mba mi hagi ambas sa Mowap-pa abogi mi.

1 Sunda Hamuleinid’a 14:10

David mi djop Alona ala: An i dur ayîna ki suma Filistê-na zu? Ang mba handji abon ndju? Ma didina mi de mi David ala: Ang iya! An mba ni hangzi abongû.

Josue 8:7

Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya.

Suma ka sariyad’a 6:39

Zedeyon mi de mAlona kua ala: Ar hurung zal kan ndi. Zla d’a an nga ni dangzi wanda, an nga ni dang zla d’a ding kua hina bugol luo d’a. An min ala ang tagan vama simata kua ki tumus ndata. Ar tumusa ti ar sod’a, andagad’a ti ge mbad’ïd’a ni ndat hol.

Suma ka sariyad’a 7:7

Ma didina mi de mi Zedeyon ala: Nata suma kikis hindi suma a zlak mbinina ba, an mba ni sud’ugi kiya, an mba ni hang suma Madiyan-na abong mi. Ar suma pet wana nge nge pî, mi i avo hatamu.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

1 Samuel 10:22

Azi djop Ma didina kua ala: Sa máma mi mba nga ka hî zu? Ma didina mi hulong dazi ala: Agi gologi aduk ahlena, mi nga ngeid’a kä.

1 Samuel 23:2

David mi djop Ma didina ala: An i ni dur suma Filistê ndazina zu? Ma didina mi hulong dum ala: Ang i duruziya. Ang mba sut suma Keila-na woyo.

1 Samuel 23:3

Wani suma ad’u David-na a dum ala: Gola! Ei ka hî avo Juda wan pî, ei nga ki mandarâ. Le ei i Keila á dur azigar suma Filistê-na ni, ei mba lei ni nana ge?

1 Samuel 23:5

David mi i ki sum mama Keila, mi nde Filistê-na durâ, mi yoï d’uwar mazina, mi kus ayî ma ngolâ kaziya. Ni hina ba, David mi sut suma Keila-na woyo.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

1 Samuel 30:8

David mi djop Ma didina ala: Le an dik ad’u azigar ndazina ni, an fazi zu? Ma didina mi hulong dum ala: Ang digiziya; gagazi, ang mba faziya, ang mba prud’ï suma a yozina.