1 Samuel 22:5 - Bible azumeina

⁵ Ma djok vun Alona Gad mi de mi David ala: Ang kak ata yima ngeid’a d’i, ang hulong yam ambas sa Juda-d’a. David mi kal aduk agu d’a Heret-ta.

1 Samuel 22:5 Iomraidhean Croise

2 Samuel 23:14

David mi nga ata yam ma ngeid’a; Filistê-na a ve nga kang mazina avo Betelehem.

2 Samuel 24:11

Tcha ndjivin yorogo David mi tchol akulo. Ata yi máma Ma didina mi de zlad’a mi Gat ma djogom vunam ma wahle suma a nga mbana hi David-na ala:

1 Sunda Hamuleinid’a 11:16

David mi nga kaka ata yima ad’eng máma. Wani kangâ hi Filistê-nina mi nga avo Betelehem.

1 Sunda Hamuleinid’a 21:9

Ma didina mi de zlad’a mi Gat ma djogom vunam mbei mi David-na ala:

1 Sunda Hamuleinid’a 29:29

Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi,

2 Sunda Hamuleinid’a 29:25

Amulâ mi tin suma hi Levi-na kur gong nga kud’ora hi Ma didinid’a ki tchigiyeud’a kading ma nglona kading ma gureina abozi yam vun ma hed’a hi David-na, yam vun ma hed’a hi Gad ma wahle suma a nga mbana hamulîna, yam vun ma hed’a hi Natan ma djok vun Alonina, kayam ni vun ma he ma Ma didina mi hum avun mam suma djok vunina.

Sawal la giled’a 63:1

Ni sawal la gile d’a David mi hlat kid’a mi ring ngei tam abo Saul hur ful ma Juda-nid’a.

1 Samuel 22:4

David mi izi avo hamul ma Mowap-ma. Kid’a David mi nga kur yima ngeid’id’a, azi nga kaka kamulâ.