1 Samuel 22:18 - Bible azumeina

¹⁸ Ata yi máma amulâ mi de mi Dowek ma Edom-ma ala: Ang mbut irang ang tchi suma ngat buzu ndazina woyo. Mi mbut iram mi tchazi mi, mi tchi suma a tchuk baru d’a efod’a atazina kur bur máma ni dok klavandi yam vahl.

1 Samuel 22:18 Iomraidhean Croise

2 Sunda Hamuleinid’a 24:21

Ata yi máma a ndjak vunazi kamu, a durum kahinad’a yam vun ma hed’a hamulîna, a tchum kur gulumuna hi gong nga kud’ora hi Ma didinid’ina.

Sawal la giled’a 78:64

Mam suma ngat buzuna a tchazi avun ayîna ki mbigeu d’a fiyaka, arop mazi suma modonod’a a fe nga lovota á tchi horâ d’i.

Buzuk ka Abud’a 28:40

Agi tchiligi baru d’a krovod’a ki talina ki kadamula mi Aron groma á tagazi subur mazid’a ki ngol mazid’a woyo.

Zla d’a d’ogolâ 24:15

Ar ang bur kä gumun á b’lak azina hi sama d’ingêrîna d’oze á b’lagam yam ma burâ woi d’igi sama asa’atna na d’i.

Wana ni mbaktumba hi Oze-d’a 5:11

A le suma Efraim-ma tchod’a, a mired’ezi kä kur sariyad’a kayam azi ringî bugol ahle suma hawa ya’â.

Wana ni mbaktumba hi Oze-d’a 7:3

Azi nga lamulâ tam djivid’a kasa’at mazid’a, a nga le suma avok sumina tazi djivid’a ki zla mazi d’a kad’a mi.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.

1 Samuel 2:36

Sama mba mi ar ad’u andjavangâ, mba mi grif kä avok ma ngat buzu máma á fe bege d’a hapa nde, d’oze avu ma mbruka. Mam mba mi dum ala: An nga ni tchenengû, ang han sunda gen suma ngat buzuna nde, kayam an fe ki tena.