1 Samuel 22:16 - Bible azumeina

¹⁶ Amulâ mi de mi Ahimelek ala: A mba tchang ki sum mangâ pet.

1 Samuel 22:16 Iomraidhean Croise

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

Ester 3:6

Ata yi máma mi nga hurum á tchi Mardose, wan pî, ndagam nga d’i, kayam a dum ala: Mardose ni ma Juif-fâ. Ni kayam ndata ba, mi nga hurum á dap Mardose b’oziyom Juif suma a nga yam ambasa hamulâ Asuwerus-sina woi pet.

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Daniel 2:12

Kayam ndata, amulâ mi tchol kayî ma ngolâ kaziya, mi he vuna ala a tchi suma ne suma kur Babilon-na woi pet!

Daniel 2:5

Amulâ mi hulong dazi ala: Vama an hle vuna kama ba wana: Le agi dandi nga woi yam adï d’a danda, agi vandji nga ad’ut tei d’uo mi ni, a mba kizagagi woyo, aziyagi mba mi mbut ni mola hi djimgilîd’a mi.

Matiye 2:16

Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

Sunda hi suma a sunuzinid’a 12:19

Kid’a Herot mi halam mi fum mbuo d’a, mi djop azigar suma ndjola, mi he vuna ala a tchazi woyo. Bugola, mi tchol Jude, mi i Sesare, mi kak sä kua.

Gat ta a hat á mbàd’id’a 24:16

Moise mi de kua ala: Ar agi tchagi abuyod’a yam tchod’a hi grod’id’a d’i, ar agi tchagi grod’a yam tchod’a habuyod’id’a d’uo mi, ar agi tchagi nge nge pî yam tcho mam mba mi lata.

1 Samuel 14:44

Saul mi dum ala: Le ang Jonatan a tchang nga d’uo ni, Alona mi kan sariya d’a ngola kanu.

1 Samuel 20:31

Wani le Jesse goroma nga ki iram yam andagad’a tua ni, ang mba kak ki halasa d’i, leu manga mba d’i kak djivi d’uo mi; ki tchetchemba, ang sun i halamïya, a mbeyendjïya, kayam mi ndak á tchid’a.

1 Samuel 22:15

Ni ini tua ba, an tin ad’ud’a á tchen Alona kam zu? Nga na d’i! Amulâ, ar ang tin zla ndata yam an azong mangâ d’oze sa man ndi, kayam an azong mangâ ni we nga zlad’a gor roze zla d’a ngol kua d’i.

1 Samuel 22:17

Amulâ mi de mi suma ngomom suma a nga tchola gevem gogona ala: Agi mbud’ugi iragi agi tchagi suma ngat buzuna hi Ma didinina woyo, kayam azi tazi a ndjun David, a wala mi ringî ringâ, azi dan nga kam mbi. Wani azungeîna hamulîna a min do abozi ata suma ngat buzuna hi Ma didinina d’i.