1 Samuel 22:14 - Bible azumeina

¹⁴ Ahimelek mi hulong de mamulâ ala: Ni nge ba, aduk azungeî mangâ pet, ni ma d’engzengâ d’igi akunongâ David na ge? Ni ma ge yam kä ad’u gat manga, a nga hum ngola avo hatangâ mi.

1 Samuel 22:14 Iomraidhean Croise

1 Samuel 17:25

A de tazi ala: Sa máma mi djï atei wana, agi wum mbang zu? Sama tchuma, amulâ Saul mba mi mbud’um sama ndjondjoîna, mba mi hum goromba atchad’a, abum azi ki sum mama mba mi ve tara abozi d’uo mi.

1 Samuel 18:13

Ni kayam ndata ba, mi wal David tei ki sed’emu, mi tinim ngola yam suma dubuna. David nga mi ndabua, nga mi hulongî avo avok sum mama.

1 Samuel 18:27

David mi tchol ki sum mama, a iya, a tchi suma Filistê-na kikis mbà, a mba ki babak d’uwazi mamulâ d’igi mam ngamzi na á mbut akunoma. Ata yi máma Saul mi hum Mikal atchad’a.

1 Samuel 20:32

Jonatan mi hulong de mabum Saul ala: Ni kayam me ba, a tchum ge? Mi le ni me ge?

1 Samuel 21:2

David mi hulong de mi ma ngol ma ngat buzuna ala: Amulâ mi han vuna mi dan ala: Ar sa mi we sun nda an sunung kat wanda ki vun ma he ma an hangzina d’i. Wani sum mana a we yima ami ngavami tami kuana.

1 Samuel 22:13

Saul mi dum ala: Ni kayam me ba, agi ki Jesse goroma agi ndjagagi vunagi kan nge? Ni kayam me ba, ang hum avungôna ki mbigeu d’a fiyaka, ang tchen Alona kam tala mi kak djangûna ki an mi burun kä woi d’igi mam nga mi le ini na ge?

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

1 Samuel 25:28

An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.

1 Samuel 26:23

Ar Ma didina mi wurak nge nge pî yam d’ingêr mamba ki d’engzeng mamba, kayam Ma didina mi hang ini abonu. Wani an min tin abon atang ang ma Ma didina mi tining amulina d’i.